SKÝRSLAN: Logi hrellti Val aftur
Hvað réði úrslitum?
Áræðni Víkinga á síðasta þriðjungi síðasta fjórðung leiktímans. Þeir naga sig eflaust í handarbökin að hafa ekki skipt um gír fyrr og sótt til sigurs.
Bestu leikmenn
1. Birkir Már Sævarsson
Vindurinn blés ekki á völlinn en Vindurinn var svo sannarlega áhrifavaldur í leiknum. Birkir Már með tvær stoðsendingar og síógnandi með framhjáhlaupum á hægri vængnum.
2. Guðmundur Andri Tryggvason
Reyndi rosalega mikið og vann vel fyrir liðið. Átti marga spretti gegn Birki Má og hafði oft betur. skoraði gott mark.
Atvikið
Jöfnunarmark Víkinga. Gleðin var einlæg hjá Loga og áhorfendum sem að elska hann. Unga kynslóðin fór þar fremst í flokki.
Hvað þýða úrslitin?
Stigið gerir lítið fyrir liðin. Valur fer niður um eitt sæti í það sjöunda en Víkingar sitja í því tíunda á markatölu.
Vondur dagur
Þeir sem mættu ekki á völlinn!!! Sól og blíða, börger á grillinu og ískaldar veigar með ásamt skemmtilegum fótboltaleik.
Júlíus Magnússon þurfti að fara af velli vegna meiðsla snemma leiks eftir að hafa fengið eitthvað í hnéð. Vonandi er hann ekki lengi frá.
Dómarinn - 5
Einar þarf að bæta leikskilning sinn og finna sína línu og halda sig við hana. Var samkvæmur sjálfum sér í upphafi en breytti svo línunni fór að flauta á allt eða ekkert. Hafði samt núll áhrif á úrslit leiksins.