SKÝRSLAN: Fyrsta jafntefli KA í sumar kom gegn ÍA
Hvað réði úrslitum?
Leikurinn var kaflaskiptur. KA menn voru stefnulausir í fyrri hálfleik og virtust ekki vera með neitt plan hvað þeir ætluðu að gera. Skagamenn voru þéttir fyrir og erfitt að finna glufur á varnarmúra þeirra. KA menn komu beittari til síðari hálfleiks og uppskáru jöfnunarmark. Sanngjörn niðurstaða þegar á heildina er litið.
Bestu leikmenn
1. Almarr Ormarsson
Skorar þetta mikilvæga jöfnunarmark KA og var góður á miðjunni. Lítið annað hægt að segja.
2. Tryggvi Hrafn Haraldsson
Hættulegasti leikmaður Skagamanna fram á við. Var síógnandi í fyrri hálfleik og áttu KA menn í mestu erfiðleikum með að ráða við hraða hans. Fékk dauðafæri til að koma Skagamönnum í 2-0.
Atvikið
Tvennt sem kemur til greina. Í stöðunni 1-0 fær Tryggvi Hrafn dauðafæri eftir frábæran undirbúnig Jóns Gísla en setti boltann í framhjá opnu markinu.
Þá vildu KA menn fá víti undir lok fyrri hálfleiks og virtust hafa nokkuð til síns máls.
Þá vildu KA menn fá víti undir lok fyrri hálfleiks og virtust hafa nokkuð til síns máls.
Hvað þýða úrslitin?
KA menn koma sér uppúr fallsæti í bili og stöðva fjögura leikja taphrinu. Skagamenn eru í þriðja sætinu ennþá.
Vondur dagur
Torfi Tímóteus virkaði óöruggur í sínum aðgerðum í dag. Missti boltann á klaufalegum stöðum og átti misheppnaðar sendingar. Búinn að vera mikið meiddur í sumar sem að gæti enn haft áhrif á hann.
Dómarinn - 6
Að flestu leyti var leikurinn vel dæmdur hjá Erlendi. Hann fær mínus stig fyrir að sleppa víti sem að KA virtist eiga að fá. Var síðan full graður á spjöldin.