Fylkismenn sigra þenna leik!
Víkingar hentu öllu fram til þess að freista þess að ná marki en það tókst ekki!

Víkingar ætla gefa allt í þetta! Ingvar farinn fram í horn. Fylkismenn vinna boltann og ekkert að drífa sig fram en þegar þeir loksins koma fram þá er Ingvar mættur í skógarhlaup og Fylkismenn eiga opið mark fyrir framan sig en eru alltof lengi að þessu og loks þegar skotið kemur er maður mættur á línuna að bjarga.

Fáum 3 mínútur í uppbótartíma.

ÁSGEIR BJARGAR Á LÍNU!!
Víkingar í stórhættulegri sóknarlotu og Halldór Jón Sigurður Þórðarsson nær góðum skalla sem fer framhjá Aron Snæ í marki Fylkis en Ásgeir Eyþórs bjargar á línu!

Fylkismenn hefðu mögulega átt að fá víti þarna! Virðist alveg klárlega fara í hendina á Halldór Smára en Erlendur dæmir ekkert. Vafasamt í meira lagi.

INGVAR JÓNSSON!!
Michael Kedman með frábæra fyrirgjöf fyrir á Djair sem á frábært skot út við stöng að því virðist en Ingvar Jónsson með stórkostlega markvörslu!

Arnór Borg með skemmtilegt hlaup og reynir að læða boltanum framhjá Ingvari úr þröngu færi á nærstöng en vinnur innkast.

Ágúst Hlyns með enn eitt hlaupið í kvöld sem skapar ursla en liðsfélagar hans klappa boltanum alltof mikið og Fylkismenn ná að verjast.

Arnór Borg með flotta innkomu og vinnur horn eftir flotta takta.

Víkingar að komast í færi en vantar gæðin á að klára.

Fylkismenn með flotta tilraun, fyrirgjöf frá Djair og Arnór Gauti ekki langt frá því að ná að stýra boltanum í átt að marki.

Fylkismenn fá þrjár hornspyrnur í röð áður en Víkingar ná að koma boltanum frá.

Stúkan er farinn að taka við sér, mikill barningur um boltann.

Það er aðeins farið að hitna í þessu.

Arnór Gauti og Erlingur lenda saman og það hitnar aðeins í þessu en Erlendur róar menn niður og lætur spjöldin eiga sig í þetta skiptið.

Víkingar með ágætis sóknarlotu en Fylkismenn vá að verjast vel.

Michael Kedman með frábæra stungu á Orra Hrafn en Ingvar Jónsson lokar frábærlega á hann!

Seinni hálfleikur er farin af stað!

+3
Fylkismenn leiða í hálfleik! Verið kaflaskiptur leikur og heilt yfir ágætis jafnræði á liðunum. Bæði lið óheppin að vera ekki búin að skora fleirri mörk í leiknum.

Davíð Örn með frábæra fyrirgjöf fyrir markið sem Ágúst Eðvald nær að koma tánnum í en skotið framjá.

Ágúst Eðvald!
Erlingur er allt í einu sloppinn innfyrir og ætlar að leggja boltann á Ágúst Eðvald sem bíður eftir boltanum í stað þess að ráðast beint á hann og Orri Sveinn nær frábærri tæklingu sem truflar Ágúst Eðvald og skotið yfir markið.

ARNÓR GAUTI!!
Er stungið innfyrir og á bara Ingvar eftir en Ingvar nær að loka á hann og bjarga Víkingum.

Arnór Gauti skallar boltann inn en er dæmdur rangstæður.

Fylkir í flottri sóknarlotu sem endar með hörku skoti frá Nikulás Val sem Ingvar ver vel í horn.

Víkingar með ágætis sókn sen Ágúst Hlyns á flottan sprett inn á völlinn og kemur boltanum út og fær fyrirgjöf fyrir markið frá Davíð Erni sem hann skallar en beint á Aron Snær í marki Fylkis.

Fylkismenn óheppnir að komast ekki yfir en eftir rólega byrjun eru þeir heldur betur búnir að banka á dyrnar.

Þórður aftur á ferðinni en hann á fyrirgjöf held ég frekar en skot sem dettur á slánna.

Þórður Gunnar!!
Frábært skot frá Þórði Gunnari sem smellur í tréverkið! Sá ekki hvort Ingvar hafi komið við boltann en hann var í honum en þetta var alvöru skot!

Víkingar við það að læða Kristal Mána innfyrir en Fylkismenn bjarga í horn.

Kwame liggur eftir og fær aðhlýningu, skokkar svo út að hliðarlínu með sjúkraþjálfaranum. Fær svo að koma aftur inná.

Víkingur kemst í flotta stöðu og Dofri reynir sendingu fyrir markið sem svífur framhjá pakkanum.

Ágúst Hlyns með fyrsta skot leiksins en það fer framhjá markinu.

Þórður Gunnar vinnur boltann vel og keyrir á vörn Víkinga en er stöðvaður.

Það eru gestirnir sem byrja þennan leik.

Byrjunarliðin eru klár en þau má sjá til hliðar og hér.
Enginn Óttar Magnús hjá Víkingum en hann er farinn til Ítalíu og sömuleiðis er markahæsti maður Fylkis á tímabilinu, Valdimar Þór Ingimundarsson horfin til Noregs en þeir eru báðir farnir í heim atvinnumennskunnar.

Jón Þór Hauksson, þjálfari kvennalandsliðsins er spámaður umferðarinnar að þessu sinni:

Fylkir 2 - 2 Víkingur R.
Þetta verður hörkuleikur þar sem bæði lið vilja vinna eftir slæmt gengi undanfarið. Óli Þórðar verður heiðurgestur og býður mönnum í ókeypis sjómann í hálfleik.

Tölfræði Víkinga R:

Spilaðir leikir:14
Sigrar:3 (21%)
Jafntefli:6 (43%)
Töp:5 (36%)

Víkingar R hafa skorað 20 Mörk og fengið á sig 22 Mörk.
Markahæstu menn:
Óttar Magnús Karlsson - 9 Mörk
Ágúst Eðvald Hlynsson - 3 Mörk
Davíð Örn Atlason - 2 Mörk
*Aðrir minna.

Tölfræði Fylkis:

Spilaðir leikir:15
Sigrar:7 (47%)
Jafntefli:1 (7%)
Töp: 7 (46%)

Fylkir hefur skorað 22 Mörk og fengið á sig 24 mörk
Markahæstu menn:
Valdimar Þór Ingimundarsson - 8 Mörk
Arnór Gauti Ragnarsson - 3 Mörk
Ásgeir Eyþórsson - 2 Mörk
Orri Sveinn Stefánsson - 2 Mörk
Hákon Ingi Jónsson - 2 Mörk
Djair Parfitt-Williams - 2 Mörk
* Aðrir með færri mörk

Víkingar fengu HK í heimsókn sl mánudagskvöld á heimavöll hamingjunnar og enduðu leikar þar jafnir 1-1.
Víkingar hafa valdið ákveðnum vonbrigðum í sumar og vilja vafalaust bæta úr því það sem eftirlifir móts.

Heimamenn í Fylki koma inn í þennan leik særðir eftir tap gegn FH á þessum velli sl. mánudag en FH hafði betur 1-4. Það má því gera fastlega ráð fyrir að Fylkismenn ætli að bæta upp fyrir það strax í kvöld þegar Víkingar mæta í heimsókn.

Við eigum von á hörkuleik hér í kvöld en bæði lið hafa ekki verið dugleg í stigasöfnun í þessum mánuði og hafa verið að misstíga sig. Bæði lið vilja vafalaust bæta úr því hér í kvöld.

Heil og sæl!
Verið hjartanlega velkominn í þessa þráðbeinu textalýsingu frá leik Fylkis og Víkinga R.