Skýrslan úr Árbænum er seint á ferð vegna tæknilegra örðugleika. En Fylkismenn áttu skilið að vinna leikinn gegn Víkingum, þeir sýndu meiri ákefð og sköpuðu fleiri færi. Víkingar halda áfram að vera hugmyndasnauðir fram á við og útreiknanlegir.

Fyrsta mark leiksins. Ingvar Jónsson markvörður Víkinga hefur fengið gagnrýni á tímabilinu og þær raddir verða háværari eftir að hann greip í tómt í hornspyrnu og Ásgeir Eyþórsson skallaði boltann í tómt markið.

Evrópudraumurinn lifir í Árbænum. Flott tímabil hjá þeim appelsínugulu undir stjórn nýrra þjálfara. Víkingar eru í tíunda sæti og þó fallhættan sé ekki til staðar þá hefur tímabilið verið eintóm vonbrigði.

Enn einn vondi dagurinn fyrir Arnar Gunnlaugsson þetta tímabilið. Væntingaboginn var spenntur hátt en sjálfstraustið í liðinu hefur horfið og ljóst að mörkunum fjölgar ekki nú þegar Óttar Magnús Karlsson er horfinn á braut. Ingvar Jónsson fór í skógarferð í fyrra marki Fylkis. Ofan á allt annað fóru Kwame Quee og Kári Árnason meiddir af velli. Vont.

Hafði mjög góða stjórn á leiknum en sleppti augljósri vítaspyrnu sem Fylkir átti að fá í lokin. Það réði ekki úrslitum svo Erlendur fær góða einkunn.