Ein eldgömul klisja: Það voru meiri gæði i Fylkisliðinu. Fylkir var sterkara aðilinn á vellinum án þess að skapa mörg dauðafæri á meðan gestunum voru fulloft mislagðar fætur inn á vítateig Árbæinga til að eiga möguleika á því að skora fleiri mörk. Leikur Fylkis einkenndist af langskotum frá Fylki og misvel útfærðum stuttum hornspyrnum en upp úr einni slikri kom annað markið.

Fyrra mark Fylkis: Löng sending upp völlinn frá Sæunni sem fer frábærlega við hlaup Huldu. Hulda tekur nokkrar snertingar, stillir sér vel upp, kemur sér inn á teiginn og á gott skot á nærstöngina.

Fyrsti sigur Fylkis kemur liðinu upp fyrir Tindastól í töflunni. Fylkir er með fimm stig í 9. sæti á meðan Tindastóll er með fjögur stig í 10. sæti. Öll lið í deildinni hafa nú leikið sex leiki. Tvö lið eru svo með sex stig.

Skrítið að velja úr sigurliði kannski en mér fannst full áberandi hvað Stefanía Ragnarsdóttir komst ekki í takt við leikinn og átti misheppnaðar tilraunir af hægri vængnum hjá Fylki. Grimmt mögulega en hún getur betur!
Sóknarkonur Tindastóls fannst mér heilt yfir jafnar í þessum leik og erfitt að nefna eina hér.

Virkilega vel dæmdur leikur, erfiðleikastuðullinn ekki sá hæsti. Eitt atvik sem ég vil koma inn á. Brot dæmt á Fjollu á 83. mínútu þegar Hugrún lá eftir. Fjolla kom með öðruvísi kraft inn í það návígi miðað við aðra leikmenn á vellinum og fannst mér dómarinn dæma þegar hann sá Hugrúnu liggja. Fjolla vann samt boltann sýndist mér.