SKÝRSLAN: Grótta vann sterkan sigur á Fjölni
Hvað réði úrslitum?
Gróttumenn komu sterkir inn í síðari hálfleikinn og sköpuðu fleiri færi en Fjölnir sem gerði það að verkum að þeir skoruðu meira. Ekki flókin stærðfræði.
Bestu leikmenn
1. Sigurvin Reynisson
Venni gerði frábærlega á báðum endum vallarins, vann boltann fullt og missti boltann held ég aldrei. Mögulegt 100% sendingarhlutfall hjá honum.
2. Michael Bakare
Bakare var mjög öflugur í kvöld, óheppinn að þeir hafi ekki skorað meira en flest færi Fjölnis fóru í gegnum hann.
Atvikið
Tvö atvik sem koma til greina hérna. Annars vegar er það sjálfsmarkið sem kveiktu mjög í báðum liðum og gerði leikinn meira spennandi. Hins vegar gæti það líka verið gula spjaldið á Sigurpál sem er með ólíkindum að hafi ekki verið rautt. Algjörlega glórulaust brot og var hann tekinn útaf strax eftir.
Hvað þýða úrslitin?
Grótta fer upp í 5. sæti, upp fyrir Fjölni í 6. sætinu á markatölu.
Vondur dagur
Augljósa svarið hérna væri hann Guðmundur Karl fyrir sjálfsmarkið en hann spilaði mjög vel yfir leikinn. Óhappamark og get ég ekki gefið honum þetta. Ragnar Leósson var ekki mjög áberandi áður en hann var tekinn útaf og síðan átti Sigurpáll að fá rautt og fór líka útaf stuttu seinna.
Dómarinn - 4.5
Dæmdi yfir allt nokkuð vel, nokkrar umdeildar ákvarðanir og að hann hafi ekki gefið rautt á Sigurpál dregur hann mikið niður.