Góðan daginn kæru lesendur og velkomnir í beina textalýsingu frá leik ÍA og Fylkis í fjórtándu umferð Íslandsmótsins.

Þetta er mikilvægur leikur fyrir bæði lið enda mætast hér liðin í níunda og fimmta sæti deildarinnar. Liðin hafa mæst í 37 skipti í opinberum leikjum á vegum KSÍ og hefur ÍA unnið 19 leiki, Fylkir 12 og 6 sinnum hafa leikir endað með jafntefli. Markatalan er einnig ÍA í hag eða 67 mörk gegn 52 mörkum Fylkis.

Ég var svo beðinn um að koma sérstakri kveðju til Eyja þar sem Björn \'\'Mr. Boombastic\'\' Jónsson er að spila með KR. Hann er á fullu að vinna í plötu sinni \'\'In Seventh Heaven\'\' með HJK Helsinki :)

Liðin hafa byrjað Íslandsmótið nokkuð vel en deildin er afar jöfn og sem dæmi eru aðeins fjögur stig á milli þriðja sætis og þess níunda. ÍA er í níunda sæti deildarinnar með 18 stig eftir fimm sigurleiki, fimm tapleiki og þrjú jafntefli.
Fylkir er aftur á móti með 20 stig í fimmta sæti deildarinnar eftir fimm sigurleiki, þrjá tapleiki og fimm jafntefli.

Byrjunarliðin eru komin í hús en þau má sjá hér til hliðar.

Dómari leiksins er Gunnar Jarl Jónsson og honum til aðstoðar eru Gylfi Már Sigurðsson og Óli Njáll Ingólfsson. Eftirlitsmaður KSÍ er Sigurður Hannesson.

Liðin eru að ganga inn á völlinn. Aðstæður eru ekkert sérstakar, töluverð rigning og nokkuð hvass vindur.

Leikurinn er hafinn og byrja Skagamenn með boltann.

Fylkir á hornspyrnu. Boltinn fer yfir alla í vítateignum á Andra Þór Jónsson sem á hörkuskot en varnarmaður ÍA nær að bjarga á marklínu.

Finnur Ólafsson gefur góða sendingu innfyrir vörn ÍA á Björgólf Takefusa. Hann leikur á varnarmann og á gott skot sem Árni Snær Ólafsson nær að verja í marki ÍA.

Dean Martin með gott skot utarlega í vítateig Fylkis eftir sendingu frá Garðar Gunnlaugssyni. Bjarni Þórður Halldórsson nær að verja skotið með góðri markvörslu.

Andri Andolpsson með skot eftir hornspyrnu sem Ásgeir Börkur Ásgeirsson bjargar á marklínu Fylkis. Ármann Smári Björnsson nær svo frákastinu en skot hans fer framhjá stönginni.

Ólafur Valur Valdimarsson á hörkuskot að marki Fylkis en boltinn fer rétt yfir þverslánna.

Búið er að flauta til hálfleiks og staðan er 1-0 fyrir ÍA. Fyrri hálfleikur hefur verið nokkuð fjörugur þrátt fyrir erfiðar aðstæður og bæði lið skapað sér ágæt marktækifæri.

Seinni hálfleikur er hafinn og byrja Fylkismenn með boltann.

Dean Martin á góða sendingu inn í vítateig Fylkis og þar nær Andri Adolphsson góðu skoti sem fer rétt yfir markið.

Dómari leiksins flautar leikinn af. Skagamenn vinna hér gríðarlega mikilvægan sigur á baráttuglöðum Fylkismönnum 2-1.