Góðan daginn lesendur góðir Fótbolta.net. Hér fer fram bein textalýsing frá leik ÍBV og KR í Pepsi deild karla.

Tryggvi Guðmundsson og Eyþór Helgi eru ekki í hóp ÍBV í dag en Magnús Gylfason staðfesti það í dag að þeir væru báðir í agabanni hjá félaginu.

Liðin hita upp að krafti, 2 folar hafa komið inn í hópinn hjá ÍBV í stað Tryggva og Eyþórs og það eru þeir Sigurður Grétar Benónýsson og Jón Ingason. Síðan má ekki gleyma Halldóri Pál Geirssyni sem er ungur og efnilegur markvörður ÍBV.

Fróðleiksmoli dagsins :
ÍBV hafa ekki unnið KR í deild eða bikar síðan 2006,þá unnu þeir 2-0 á Hásteinsvelli!

Liðin farinn í klefa og leikurinn fer að hefjast hérna á Hásteinsvelli eftir örfáar mínútur.

Leikmenn liðanna að ganga inn á völlinn.

Hér verður mínútu þögn fyrir eyjamanninn Svein Matthíasson sem lést um helgina, mikill missir og syrgja eyjamenn þennan mikla mann.

Leikurinn er hafinn og eru það eyjamenn sem byrja!

Kjartan Henry með sendingu fyrir markið og þar reynir Baldur Sigurðsson að ná til boltans, Abel stekkur manna hæst í teignum og nær að slá til boltans!

Skothríð að marki KR-inga, fyrst tekur Víðir Þorvarðarson gott skot sem Fjalar ver vel, og þaðan fer boltinn til Tonny Mawejje sem reynir einnig frábært skot sem virtist vera á leið upp í samúel, en og aftur ver Fjalar frábærlega og KR-ingar halda boltanum!

KR-ingar fá hornspyrnu eftir fáránleg mistök frá Abel Dhaira sem ætlaði að vera með sirkustæla, misskildi það að grasið væri blautt og boltinn rann útaf.

Bjarni Guðjónsson tók hornspyrnuna, en enginn KR-ingur mættur í loftið og Abel slær frá!

Christian Olsen og Fjalar Þorgeirsson lenda í samstuði, Fjalar hoppar upp og grípur boltann og á sama tíma hoppar Christian Olsen upp og lendir með hnakkan í andlitinu á Fjalari. Báðir þurfa á aðhliðningu að halda.

Fjalar Þorgeirsson er staðinn á fætur og er vel teipaður saman á hausnum eftir samstuðið við Christian, góður tími sem fó í þetta og leikurinn getur haldið áfram!

Christian Olsen kemur einnig inn á völlin vel teipaður og takast þeir félagar í hendur.

Leikurinn er búinn að vera flottu í alla staði, mikill kraftur í báðum liðum þótt svo eyjamenn hafa verið sterkari aðilinn, KR-ingar eru þó reyndar 10 inn á vellinum!

Mikill fjöldi af stuðningsmönnum KR eru á vellinum og styðja þeir vel við bakið á sínu liði!

Gunnar Þór á hér aukaspyrnu langt út á velli sem er fljótt ekin og setur hann boltann yfir vörn eyjamanna beint á Kjartan Henry Finnbogason sem nær slöku skoti á mark eyjamanna.

KR-ingar fá hornspyrnu sem Bjarni Guðjónsson tekur, hættulegur bolti inn í teiginn en Abel rétt svo nær að grípa knöttin!

KR-ingar eru að komast meira og meira inn í leikinn, halda boltanum mun betur

Nokkrum mínútum hefur sennilega verið bætt við í fyrri hálfleikinn, 2 skiptingar hjá KR-ingum og auðvitað samstuðið hjá Christian og Fjalari. Tók allt sinn tíma!

Þórarinn Ingi gefur góða sendingu inn fyrir vörn KR-inga á Christian Olsen og Olsen nær skotinu en Fjalar ver vel enn og aftur!

Góðar 6-7 mínútur komnar yfir venjulegan leiktíma!

Það er komið hálfleikur hér á Hásteinsvelli, frábær leikur og mikil spenna.

Verðum hér aftur með spennandi seinni hálfleik eftir nokkrar mínútur, ég er farinn að pissa.

ÍBV leiðir 1-0 yfir í hálfleik og það verðskuldað. Leikurinn byrjaðir ekki vel fyrir KR því Grétar Sigfinnur meiddist eftir aðeins 6 mínútur og inná fyrir hann kom Wheston. En þetta var ekki fyrsta áfallið. Því aðeins 5 mínútum síðar þá fékk Víðir Þorvarðarson góða sendingu inn fyrir vörnina frá George Baldock og lék laglega á Hannes Þór sem braut á honum og fékk rautt spjald og úr vítinu skoraði Þórarinn Ingi. ÍBV voru svo betri meirihlutann af hálfleiknum eftir markið en leikurinn jafnaðist út þegar það voru um það bil 10 mínútur eftir af fyrri hálfleik.

Seinni hálfleikur hefst eftir örfáar mínútur.

Leikurinn er hafinn að nýju og KR byrja með boltann. Engar breytingar á liðunum.

Olsen átti fínt skot en Fjalar varði boltann yfir markið.

KR-inga fá hornspyrnu, auðvitað tekur Bjarni Guðjóns hana.

Hræðileg spyrna sem nær ekki inn í teig!

Mikil stemming er í stúkunum hér á Hásteinsvelli.
Hér rétt í þessu heyrðist frá hressum stuðningsmanni ÍBV :
,,Standið í lappirnar appelsínugulir, hafiði prufað að fara í brekkuna á þjóðhátíð\'\'.

Hér vilja KR-ingar fá víti þegar Matt Garner ýtti á Kjartan Henry. Held að þetta hafi verið víti !

Leik lokið með frábærum sigri Eyjamanna sem spiluðu 11 á móti 10 KR-ingum.

Umfjöllun og viðtöl koma síðan inn í kvöld.
Veriði hress, ekkert stress... bless!

-Jóhann Norðfjörð