Jú komið þið sæl! Hér verður bein textalýsing frá leik Vals og Breiðabliks á Hlíðarenda. Breiðablik er í sjötta sæti með 19 stig og Valur hefur stigi minna.

Bæði lið unnu góða sigra í síðustu umferð. Þegar liðin tvö mættust í Kópavoginum í fyrri umferðinni vann Breiðablik 1-0 sigur. Elfar Árni Aðalsteinsson skoraði markið.

Finnur Orri Margeirsson leikur sinn 150. meistaraflokksleik með Breiðabliki. Ansi margir leikir þrátt fyrir ungan aldur.

Halldór Kristinn Halldórsson, miðvörður Vals, tekur út leikbann í kvöld.

Valsmenn telja að þeir hafi leikið sinn versta leik í sumar í fyrri viðureign þessara liða og eru væntanlega ákveðnir í að leiðrétta það.

Kokkurinn frá Sandgerði, Magnús Þórisson, flautar leikinn í kvöld. Áskell Þór Gíslason og Haukur Erlingsson eru aðstoðardómarar.

Nú er hægt að sjá byrjunarliðin. Joe Tillen er að leika sinn fyrsta leik fyrir Val en hann kom frá Selfossi í glugganum og fer beint í byrjunarliðið. Hann er líklega að fara að spila í bakverðinum. Nesta og Atli eru í miðverði og Jónas í hægri bakverði.

Lið og dómarar eru að hita upp. Það rignir. Valur vann síðasta leik og Anthony Karl Gregory er mættur.

Ég hef á tilfinningunni að við fáum skemmtilegan leik á blautum velli.

Tvær breytingar á byrjunarliði Blika frá síðasta leik. Árni Vilhjálmsson er farinn í Hauka og Haukur Baldvinsson er kominn á bekkinn. Ben Everson kemur í byrjunarliðið og Sverrir Ingi Ingason snýr aftur í byrjunarliðið eftir að hafa tekið út leikbann í síðasta leik.

Leikurinn er hafinn - Blikar sækja í átt að Keiluhöllinni.

Menn eru að reyna að fóta sig á blautum vellinum. Erfiðlega gengur að koma boltanum milli manna. Þetta fer rólega af stað.

Hætta upp við mark Vals eftir fyrirgjöf sem Tómas Óli Garðarsson átti.

Þórður Steinar Hreiðarsson, varnarmaður Blika, með flotta skottilraun en boltinn rétt framhjá. Þórður er kallaður minkurinn en þess má geta að í hádeginu fékk hann sér kjúkling á veitingastaðnum Hananum í Skeifunni.

Önnur skottilraun frá Blikum. Tómas Óli Garðarsson með skot beint á Ólaf í marki Vals.

Blikar byrja talsvert betur í leiknum. Eru meira með boltann. Ben Everson sprækur í sínum fyrsta byrjunarliðsleik.

Á heildina hefur Breiðablik verið meira með boltann en þessi íþrótt snýst um að skora. Einhverjir hafa verið að velta því fyrir sér hvernig Blikaliðinu er stillt upp. Gísli Páll er á vængnum, Ben Everson hinumegin. Rohde á toppnumm. Á miðjunni eru Yeoman, Finnur og Tómas Óli fremstur. Vörnin er augljós, Þórður Steinar í hægri bak.

Hálfleikur - Ágætis spilkaflar inn á milli en færin hafa ekki verið mörg.

Seinni hálfleikur hafinn - Liðin óbreytt.

Þetta fer ekki fjörlega af stað í seinni hálfleik.

Ben Everson í fínu skotfæri en skot hans beint á Ólaf Þór í markinu. Góðir tilburðir í aðdragandanum frá Þórði Steinari sem er kominn á kantinn, Gísli Páll í bakvörðinn.

Það er hægt að segja að Nesta sé heppinn að vera enn inná vellinum. Hann er væntanlega á appelsínugulu hjá Magnúsi Þórissyni ef svo mætti að orði komast.

Olgeir Sigurgeirsson náði að koma boltanum í netið en var dæmdur rangstæður. Ómögulegt að dæma um það héðan. Olgeir var allavega mjög ósáttur.

Leik lokið!! Meira um þennan ótrúlega leik síðar í kvöld!