Komið þið sæl! Fólk er byrjað að hlaða í sig hamborgurum hér fyrir utan Samsung-leikvanginn enda styttist í leik Stjörnunnar og Keflavíkur. Klukkan 20 flautar Guðmundur Ársæll Guðmundsson leikinn á en um sjónvarpsleik er að ræða.

Gaman verður að fylgjast með Mark Doninger í leiknum í kvöld en hann var funheitur fyrir Verslunarmannahelgi þegar hann skoraði tvö gegn Þrótti í undanúrslitum bikarsins.

Stjörnumenn eru komnir í úrslitaleik bikarsins og Silfurskeiðin fékk verðlaun sem besta stuðningsmannasveit umferða 1-11. Stemningin í Garðabænum gæti því varla verðið meiri.

Stjarnan er sem stendur í þriðja sæti en Keflavík í því sjöunda.

Atli Jóhannsson, miðjumaður Stjörnunnar, tekur út leikbann í kvöld.

Byrjunarliðin eru komin inn. Sóknarmaðurinn Hörður Sveinsson er meðal varamanna en hann er kominn heim. Kom frá Val í glugganum.

Fyrir leik er Stjarnan með 22 stig en Keflavík 18. Keflavík vann grannaslag gegn Grindavík í síðustu umferð en Stjarnan hefur gert þrjú jafntefli í röð, síðast á útivelli gegn Fylki.

Það er þónokkur vindur á annað markið hér á Samsung-vellinum og völlurinn er blautur. Eigum við ekki bara að segja að þetta séu kjöraðstæður fyrir gervigras!

Leikurinn er hafinn. Keflvíkingar byrja með boltann og sækja með vindinn í bakið í fyrri hálfleik.

Keflvíkingar eru betri þessar upphafsmínútur og komust í gott færi á 11. mínútu en voru ranglega dæmdir rangstæðir. Reynslan segir okkur þó að það má aldrei líta af Stjörnumönnum, þá eru þeir fljótir að refsa.

Maður á því von á fleiri mörkum í kvöld.

Sókn á báða bóga. Eftir að Keflvíkingar komust í ágætis sóknarstöðu klikkaði fyrirgjöf Frans Elvarssonar. Stjörnumenn fóru þá fram og Donninger fékk ágætis skotfæri en vippa hans fór beint á Ómari í marki gestanna.

Stjörnumenn fá aukaspyrnu rétt fyrir utan vítateig þegar Haraldur Freyr stekkur upp á Kennie Chopart. Donninger á skot í markmannshornið þar sem Ómar var kominn á bakvið vegginn en boltinn fer rétt framhjá.

Hörður Sveinsson er ekki lengi að koma sér í sitt fyrsta færi. Magnús Sverrir á sendingu innfyrir vörn Stjörnumanna á Hörð en Ingvar bjargar með flottu úthlaupi.

Þrátt fyrir þetta færi hafa Stjörnumenn verið líklegri undanfarnar mínútur og stjórna leiknum.

Stjörnumenn nálgæt því að komast yfir þegar Hörður Árnason átti flotta fyrirgjöf af vinstri kantinum en ágætis skot Donninger rétt fyrir utan teig fer framhjá.

Guðmundur Ársæll flautar til hálfleiks í þessum flotta fótboltaleik. Staðan er 1-1 en ég myndi ekki afskrifa það að mörkin verði fleiri.

Eftir að Keflvíkingar byrjuðu leikinn betur hafa Stjörnumenn haft yfirhöndina seinni hluta hálfleiksins.

Leikar eru að hefjast hér í Garðabænum. Stjörnumenn byrja með boltann og sækja með vindinn í bakið síðustu 45 mínúturnar.

Gott færi hjá Sjörnumönnum. Donninger á flotta sendingu innfyrir á Garðar Jóh en skot hans er vel varið af Ómari í markinu.

Rétt í þann mund sem Donninger sendi boltann skall hann á Haraldi Frey. Haraldur er borinn blóðugur útaf.

Færi hjá Keflavík. Jóhann Birnir á frábæra sendingu á Hörð Sveinsson sem á frábæra móttöku á vítateigslínunni og fínt skot en því miður fyrir hann og Keflvíkinga fór boltinn rétt framhjá stönginni.

Tvö góð færi hjá Keflvíkingum! Magnús Sverrir slapp einn í gegn en Ingvar ver skot hans á nærstöng vel, boltinn berst út í teig og á endanum á Jóhann Birnir skot sem Ingvar ver aftur meistaralega í markinu!

Keflvíkingar virka líklegri í augnablikinu.

Varamaðurinn Snorri Páll nálægt því að jafna metin. Mark Donninger á góða sendingu innfyrir á Snorra sem hafði að því er virtist allan tímann í heiminum en skot hans fer framhjá markinu. Hefði átt að gera betur þarna.

Stjörnumenn fá aukaspyrnu á hættulegum stað nokkrum metrum fyrir utan vítateig. Halldór Orri lét vaða á markið en boltinn nokkuð langt framhjá. Það virðisti vera að lifna yfir Stjörnumönnum aftur.

Leiknum er lokið með sanngjörnum sigri Keflvíkinga. Fyrir utan kafla í fyrri hálfleik virkuðu Stjörnumenn máttlausir gegn Suðurnesjadrengjunum.

Meira um leikinn í kvöld!