Frábærar aðstæður hér í kvöld og liðin tilbúin í baráttu kvöldsins!! Breyting varð á liði Þórs í upphitun, þar sem markmaðurinn Joshua Wicks tognaði á ökkla og Srdjan Rajkovic kemur í liðið.. Hann er kunnugur austfjörðunum sá gæskur, enda spilað tæplega 200 leiki með Fjarðarbyggð.

Leikurinn hafinn, heimamenn hvítklæddir en gestirnir rauðklæddir... sem skiptir sennilega engu fyrir ykkur sem eruð að fylgjast með þessu hér á alnetinu

Bæði lið eru að þreyfa fyrir sér án þess þó að skapa sér nokkra hættu. En Höttur á núna aukaspyrnu útá kannti og Jóhann Helgi var næstum búinn að skora sjálfsmark! Úr hornspyrnunni gerðist ekkert.

Lítið að gerast ennþá, Þórsarar eiga þó aukaspyrnu núna útá kannti en heimamenn hreinsa í burtu... Mikil barátta í báðum liðum sem bitnar töluvert á liðunum knattspyrnulega séð...

Höttur fær ágætis skotfæri eftir að Garðar Már vinnur boltann af Andra Hjörvari, Brynjar Árnason átti svo skot sem fór í varnarmann. Brynjar er með hárband en ekkert hár, hvað er að frétta af því?

Friðrik Ingi kominn einn í gegn en boltinn er á veikari fæti hans, þeim hægri, en hann reynir að setja hann yfir á vinstri og dauðafæri fer í súginn!!

Jóhann Helgi sendir boltann fyrir en Chijindu sem setur boltann yfir markið úr mjög þröngu færi.

Brynjar \"maðurinn með bandið\" með gott skot sem fer rétt yfir, það er að lifna yfir leiknum. Brynjar hefur spilað mjög vel sem af er leiks.

Eitthvað vesen var á síðunni hjá okkur en nú er allt komið í lag. Staðan er 0-0 þegar flautað er til hálfleiks.

Umtalið í stúkunni er að framkvæmdastjóri rekstrarfélags Hattar hafi keyrt skotanum unga útá flugvöll í dag og hvatt kauða, þannig fór um sjóferð þá!

Seinni hálfleikur er hafinn, engar breytingar voru gerðar á liðunum í hléinu.

Jóhann Helgi Hannesson í dauðafæri en skýtur yfir af markteig eftir sendingu af kanntinum frá Funicello, algjör deddari!!!

\"senterinn\" Högni Helgason er búinn að eiga frábærann leik í vörn Hattar í dag!

Chukwudi Chijindu á þrumuskot af 25 metra færi sem glumdi í þverslánni og yfir, vel gert hjá kauða!

Bajkovic ver glæsilega í tvígang, fyrst frá Sveini Elías og svo frá Chijindu!!

Óttar Steinn á slæman skalla aftur á markmann og Chijindu kemst inní boltann en Bajkovic ver mjög vel! Þarna hefði staðan hæglega geta orðið 0-2..

Högni Helgason lætur Rajkovic verja frá sér vítaspyrnu, í síðustu spyrnu leiksins! Snorri Steinn hvað! Dómarinn flautar til loka leiksins, þvílík dramatík hér á Vilhjálmsvelli!!!

Menn eru almennt gríðarlega vonsviknir hér, Rajkovic ver víti en átti klárlega ekki að vera inná vellinum þegar kom að því!! Umfjöllun og viðtöl koma inn seinna í kvöld.. takk fyrir mig í kvöld:)

úha!