Víkingssigur staðreynd!

Stjörnumenn vel pirraðir að leikurinn var ekki stöðvaður. Emil lá eftir vegna höfuðmeiðsla en Víkingar fengu að klára sóknina.

Óskiljanleg ákvörðun hjá Kwame í skyndisókn. Jeminn eini. Tók innanfótar skot þegar Helgi Guðjóns var í frábærri stöðu.

Víkingar fá hornspyrnu og í kjölfarið á henni á Adam Ægir skot sem fer í varnarmann inn á teig Stjörnunnar.

Sjö mínútum bætt við!

Stefnir allt í tveggja marka sigur Víkings.

Hilmar Árni með skot sem fer af Þorsteini og afturfyrir. Víkingar eiga markspyrnu.

Nikolaj leggst niður þegar Víkingur er í sókn. Það er eitthvað að hrjá hann.

Óli Valur vinnur hornspyrnu fyrir Stjörnuna.

Hilmar Árni með aukaspyrnu aftarlega á vallarhelmingi Víkings. Þessi sending frá Hilmari fer yfir allan pakkann og afturfyrir.

Kristall með skotið en það fer beint á Arnar Darra.

Víkingar fá hornspyrnu eftir aukaspyrnuna frá Kristali.

Kristall vinnur boltann hinu megin við teiginn eftir hornspyrnuna og þar er brotið á honum. Þessi spyrna er aðeins nær en sú síðasta.

Elís með fyrirgjöf sem fer í Kwame og þaðan í hendurnar á Þórði.

Sölvi hendir sér niður og fær aukaspyrnu. Emil Atlason ekki hrifinn af þessu hjá Sölva.

Adam Ægir með skot sem fer í Helga sem er fyrir innan og rangstaða dæmd.

Víkingar í hröðu upphlaupi. Nikolaj á sprettinum, leggur boltann á Júlíus sem sendir áfram á Kristal. Kristall með skot en það fer yfir mark Stjörnunnar.

Hilmar Árni með fyrirgjöfina, Oliver kemst í boltann en Sölvi nær að trufla hann og skallinn frá Oliver fer yfir mark heimamanna.

Stjarnan á aukaspyrnu á vallarhelmingi Víkings. Hilmar gerir sig kláran.

Veðrið orðið talsvert skárra núna en það var fyrir tíu mínútum síðar. Ennþá sami vindur en hætt að rigna.

Víkingur á hornspyrnu en Magnus skallar fyrirgjöfina frá.

Atli á svo skot sem fer framhjá.

Það er kominn sjúkrabíll í Víkina til að flytja Harald upp á sjúkrahús.

Oliver lætur vel finna fyrir sér þessa stundina og brýtur núna á Kára.

Oliver nálægt því að detta í dauðafæri en Sölvi nær að bjarga og Oliver brýtur svo á fyrirliðanum.

Stjarnan aðeins vaknað eftir þessi skrif mín áðan.

Hilmar Árni með tilraun við vítateig Víkings. Fjórir Víkingar hentu sér fyrir skotið frá Hilmari en mér sýndist það fara í Kára sem vara aftastur af þeim.

Í kjölfarið var það Casper sem skaut framhjá.

Atli með skot framhjá úr teignum en er dæmdur rangstæður.

Pablo með fyrirgjöf sem gestirnir hreinsa. Heimamenn miklu líklegri til að bæta við en gestirnir að jafna leikinn.

Kristall með skot sem fer af Eyjólfi og Arnar Darri ver svo í kjölfarið.

Halli er að ljúka leik.

Börurnar eru mættar inn á og Stjarnan þarf að gera skiptingu.

Stjarnan á aukaspyrnu. Nikolaj fer í Halla inn á teignum, markvörðurinn heldur utan um höfuðið og þarf aðhlynningu. Nikolaj var að reyna komast í fyrirgjöfina frá Karli en fór í Halla.

Ég er ekki viss hvort það er október eða júlí... litla veðrið.

Það er byrjað að hellirigna, grenjandi.

Halli í smá brasi eftir hreinsun Eyjólfs. Halli grípur boltann í annarri tilraun.

Seinni hálfleikur hafinn

Víkingur byrjar með boltann.

Engin breyting á liðunum.

Allt jafnt þegar gengið er til búningsherbergja.

Víkingur talsvert meira með boltann en undramark frá Oliver kom gestunum yfir snemma í hálfleiknum.

45+4

Eyjólfur skallar fyrirgjöf frá vinstri út fyrir teiginn. Þar er Júlíus sem tekur á móti boltanum og lætur vaða. Halli ver boltann til hliðar og sókn Víkings rennur út í sandinn þegar Heiðar vinnur boltann af Nikolaj.

45+3

Sloth dæmdur rangstæður.

45+1

Víkingar ná að skalla boltanum í burtu eftir hornspyrnu frá Hilmari.

45+1

Hilmar Árni með skottilraun sem Þórður ver virkilega vel, í horn.

Fjórum mínútum bætt við!

Pablo fær aðhlynningu, Víkingur tekur innkast á vallarhelmingi Stjörnunni.

Pablo liggur eftir, var tæklaður af krafti af Heiðari. Enginn hagnaður eða gult spjald frá Jóhanni þarna.

Kári brýtur á Oliver í skallaeinvígi. Stjarnan á aukaspyrnu inn á vallarhelmingi Víkings.

Eyjólfur skallar hornspyrnu Kristalst til hliðar. Í kjölfarið kemur fyrirgjöf frá hægri frá Viktori sem Nikolaj kemst í en skallar framhjá nærstönginni.

Stuðningsmenn heimamanna taka aðeins við sér.

Nikolaj reynir fyrirgjöf, Daníel stöðvar hana og boltinn fer afturfyrir. Víkingur á horn.

Markið var virkilega verðskuldað miðað við gang leiksins.

Nikolaj og Halli eru staðnir upp og Halli spyrnir frá marki. Nikolaj fær svo að koma inn á en hann þurfti að byrja utan vallar þar sem hann fékk aðhlynningu.

Halli og Nikolaj liggja eftir inn á vítateig Stjörnunnar. Stjarnan á aukaspyrnu. Hlupu saman þegar Halli fór í úthlaup.

Logi Tómasson með hörkuskot, Halli hendir sér á þennan bolta og ver í horn!

Eyjólfur brotlegur og Víkingar eiga aukaspyrnu á vallarhelmingi Stjörnunnar.

Viktor með fyrirgjöf inn á Nikolaj sem er í dauðafæri en skallar yfir!!!!

Logi með skot sem fer af varnarmanni og afturfyrir. Hornspyrna.

Sölvi fellur inn á teignum og Víkingar vilja víti!

Kristall vill svo fá aukaspyrnu en Daníel einfaldlega sýnir styrk og hirðir boltann við vítateig Stjörnunnar.

Sölvi með hræðilega sendingu ætlaða Kára og Kári nær rétt að bjarga í innkast.

Víkingar halda boltanum á meðan Stjarnan reynir að nýta þá sénsa sem liðið fær eftir mistök heimamanna.

Daníel Laxdal bjargar eftir mistök frá Eyjólfi. Kristall Máni gerði sig líklegan en Daníel hreinsar í innkast.

Oliver reynir að setja boltann aftur yfir Dodda og nú af hægri kantinum og sá danski var talsvert nær. Skotið hins vegar vel framhjá.

Víkingar vilja fá hendi á Heiðar þegar Atli átti fyrirgjöf sem fór í Heiðar inn á teignum.

Kári bjargar, Þorsteinn gerði sig líklegan eftir skalla frá Oliver en Kári las þetta.

Fín hugsun hjá Pablo að reyna stýra boltanum inn á Nikolaj en boltinn skaust aðeins of langt af Pablo eftir sendingu frá Viktori.

Pablo með tilraunina en hún fer yfir mark gestanna.

Víkingur á aukaspyrnu um metra frá vítateig Stjörnunnar. Halldor Orri braut á Loga alveg við teiginn. Hættulegur staður!

Víkingur á aukaspyrnu inn á miðjum vallarhelmingi Stjörnunnar.

Pablo með boltann inn á teiginn, sýndist það vera Júlíus sem komst í þennan bolta og af Júlíusi fór hann afturfyrir. Markspyrna sem Stjarnan á.

Nikolaj lætur vaða en skotið fer yfir mark Stjörnunnar. Það var Logi sem fann Nikolaj við teiginn en sá danski náði ekki að halda skotinu niðri.

Kári Árna í smá brasi, setur boltann á viðkvæman stað á Oliver.

Oliver náði skot á markið í kjölfarið en Doddi varði. Oliver er núna að jafna sig eftir þetta högg.

Kristall Máni lætur vaða utarlega úr teignum, fær boltann frá Nikolaj og skýtur með vinstir en skotið fer yfir markið hjá Halla.

Heyrist vel í stuðningsmönnum Stjörnunnar, Silfurskeiðin styður við sína menn.

Magnus krækir í aukaspyrnu á vallarhelmingi Víkings. Gestirnir leika boltanum til baka úr aukaspyrnunni og reyna að byggja eitthvað upp.

Atli með flottan bolta inn á teiginn sem Nikolaj skallar á mark gestanna. Boltinn beint á Halla sem grípur.

Stjarnan á hornspyrnu. Syrnan tekin stutt og Kári skallar fyrirgjöf Heiðars í burtu.

Lið Stjörnunnar:
Haraldur
Heiðar - Daníel - Eyjólfur - Elís
Halldór Orri
Þorsteinn - Magnus - Casper - Hilmar
Oliver

Lið Víkings:
Þórður
Karl - Kári - Sölvi - Atli
Logi - Pablo - Júlíus - Viktor
Kristall
Nikolaj

Stjarnan byrjar með boltann!

Liðin ganga inn á völlinn. Víkingur í rauðu og svörtu og Stjarnan í bláum treyjum.

Það er ellefu gráðu hiti, talsverður vindur en úrkomulaust þessa stundina í Víkinni.

Brynjar Gauti, varnarmaður Stjörnunnar, er ekki með vegna meiðsla sem hann varð fyrir gegn Leikni í síðasta leik. Halldór Smári er þá tæpur vegna meiðsla og er því á bekknum í dag.

,,Brynjar er frá eftir að hann var kýldur af Mána Austmann í síðasta leik. Hann fékk á hálsinn og á mjög erfitt með að tala. Hann getur ekki spilað," sagði Þorvaldur við Stöð 2 Sport fyrir leikinn í kvöld.

Arnar Gunnlaugsson er áfram með þá Adam Ægi, Helga og Kwame á bekknum en þeir mættu allir inn á með góðum krafti gegn Keflavík.

Rætt var um Kwame í Innkastinu á dögunum.

,,Í upphafi tímabils mátti hann ekki spila vegna pappírsvandamála, svo var það Covid og svo malaría. Við skulum ekki slá ryki í augu fólks, maðurinn hefur ekki getað neitt á tímabilinu. Hann hefur nánast verið dragbítur, ekki gefið boltann og byrjunarliðsleikirnir verið hreinasta hörmung," sagði Tómas Þór Þórðarson.

,,Þetta allt saman hafði ekki áhrif á Kwame Quee. Hann kom inn af krafti og gaf meira að segja boltann! Alltaf þegar hann gaf hann þá voru menn dauðafríir því menn eru svo hræddir við hann í 'einn á einn' að það kemur alltaf hjálparvörn og aðrir losna."

Byrjunarliðin eru klár:

Arnar Gunnlaugsson, þjálfari Víkings, gerir tvær breytingar frá síðasta leik (1-2 endurkomusigri gegn Keflavík í Keflavík). Logi Tómasson kemur inn fyrir Halldór Smára Sigurðsson og Július Magnússon kemur inn fyrir Erling Agnarsson sem tekur út leikbann.

Þorvaldur Örlygsson, þjálfari Stjörnunnar, gerir þrjár breytingar á sínu liði frá síðasta leik (2-0 tap gegn Leikni í Breiðholti). Brynjar Gauti Guðjónsson er ekki með, sennilega vegna meiðsla, og þeir Einar Karl Ingvarsson og Emil Atlason taka sér sæti á bekknum. Inn koma Oliver Haurits, Halldór Orri Björnsson og Eyjólfur Héðinsson.

Erlingur Agnarsson tekur út leikbann og er ekki með í dag.

Fyrri leikur liðanna:
Víkingur vann leik liðanna í 3. umferð, 2-3.

Staðan í hálfleik á þeim leik var 2-2 en Júlíus Magnússon skoraði sigurmark Víkings á 51. mínútu leiksins.

Jóhann Ingi Jónsson dæmir leikinn og þeir Jóhann Gunnar Guðmundsson og Gylfi Már Sigurðsson eru honum til aðstoðar.

Breki Sigurðsson er varadómari og Frosti Viðar Gunnarsson er eftirlitsmaður KSÍ.

Fyrir umferðina eru heimamenn í Víkingi í 2. sæti deildarinnar, stigi á eftir toppliði Vals með 26 stig úr fyrstu þrettán leikjunum.

Stjarnan hefur einnig spilað 13 leiki, liðið er með þrettán stig, þremur stigum fyrir ofan fallsæti í 10. sæti.

Góðan daginn og veriði velkomin í beina textalýsingu frá viðureign Víkings og Stjörnunnar í 14. umferð Pepsi Max-deildar karla.

Leikurinn hefst klukkan 19:15 á Víkingsvelli í Fossvogi.