SKÝRSLAN: Evrópudraumur KR lifir
Hvað réði úrslitum?
Fyrri hálfleikurinn var tíðindarlítill en bæði lið náðu ekki að skapa sér nein alvöru færi í fyrri hálfleik. KR-ingar komu grimmir inn í síðari hálfleikinn og voru með mikla yfirburði í síðari hálfleiknum og kláruðu leikinn með tveimur góðum mörkum
Bestu leikmenn
1. Óskar Örn Hauksson (KR)
Óskar Örn Hauksson var ógnandi sóknarlega í dag en hann var duglegur að koma sér í fína sénsa fyrir framan mark Stjörnunnar. Lagði upp eitt og skoraði sjálfur eitt.
2. Kristján Flóki Finnbogason (KR)
Var eins og Óskar Örn mjög ógnandi í sóknarleik KR-inga. Kristján lagði upp á Óskar Örn og skoraði svo eitt sjálfur.
Atvikið
Halldór Orri fékk heiðurskiptingu eftir klukkutíma leik en Halldór Orri var að leika sinn síðasta leik fyrir Stjörnuna.
Hvað þýða úrslitin?
Stjarnan endar tímabilið í sjöunda sæti með 22.stig á meðan KR endar tímabilið í þriðja sæti deildarinnar og Evrópudraumur KRinga lifir svo sannarlega en liðið þarf að treysta á að Víkingar klári bikarkeppnina.
Vondur dagur
Erfitt að taka einhvern út í þennan dálk en Haraldur Björnsson fær þennan dálk fyrir að fá á sig tvö mörk í dag.
Dómarinn - 10
Jóhann Ingi og hans menn dæmdu þennan leik frábærlega þótt það hafi ekki reynt mikið á tríóið.