SKÝRSLAN: FH eyðilagði annað partýið í röð
Hvað réði úrslitum?
FHingar voru miklu sterkari í leiknum í dag. Mikkel Qvist var gríðarlega sterkur í varnarlínu KA og hélt þeim algjörlega á floti í dag.
Bestu leikmenn
1. Oliver Heiðarsson
Oliver var líflegur og skoraði glæsilegt mark.
2. Mikkel Qvist
Var eins og klettur í vörn KA! Menn voru ekkert að fara framhjá honum. Ótrúleg yfirvegun á boltann.
Atvikið
Rauða spjaldið á Dusan. Hann fékk fyrra gula spjaldið í fyrri hálfleik og sitt annað gula spjald fyrir litlar sakir af margra mati.
Hvað þýða úrslitin?
KA missir af mögulegu evrópusæti sem 3. sætið gæti gefið ef Íslandsmeistararnir í Víkingi verða einnig bikarmeistarar. FH var öruggt í 6. sæti fyrir leikinn í dag.
Vondur dagur
Verð að setja það á Stubb í marki KA. Missir boltann klaufalega í fyrra marki FH og ég sá ekki alveg hvað gerðist í seinna markinu, hann var eitthvað langt út úr markinu en glæsilega klárað hjá Oliver yfir Stubb í markinu.
Dómarinn - 6
Heilt yfir fínn leikur. Spurning hvort þetta rauða spjald á Dusan hafi verið heldur soft.