KR-ingar sækja þrjú stig til Eyja. Viðtöl og skýrsla koma á eftir. Þakka samfylgdina.

Þarna var tækifæri! Guðjón Pétur með frábæran bolta inn fyrir á Andra Rúnar sem nær ekki að setja boltann á markið.

Fjórum mínútum bætt við!

Eyjamenn komast í álitlega stöðu en eru of lengi að athafna sig í teignum. Ná ekki skoti að marki en þarna var svo sannarlega tækifæri.

Alex Freyr með skot fyrir utan teig en boltinn vel framhjá. Fimm mínútur eftir plús viðbótartími.

Felix Örn er hér sestur á grasið, skipting í vændum hjá Eyjamönnum.

Atli Sigurjónsson leikur með boltann inná teignum, skot hans beint á markið og Halldór Páll í engum vandræðum.

KR-ingar að ógna. Kristinn Jónsson sendir boltann fyrir markið og þar er Kjartan Henry mættur. Skallinn fer hins vegar framhjá markinu. Gestirnir sterkari hér í upphafi seinni hálfleiks.

Seinni hálfleikur er hafinn!

Hálfleikur Sigurður Hjörtur flautar hér til loka fyrri hálfleiks. Öflug byrjun KR-inga skilaði marki strax á þriðju mínútu. Eyjamenn unnu sig jafn óðum inni í leikinn og jöfnunarmarkið var sjálfsmark Kristins Jónssonar. KR-ingar náðu svo fínum kafla rétt fyrir hálfleik sem skilaði marki Kennie Chopart. Þrátt fyrir að að þrjú mörk hafi verið skoruð í þessum fyrri hálfleik verður ekki sagt að leikurinn hafi verið hörku skemmtun.

Eyjamenn hafa náð betri tökum á leiknum eftir því sem liðið hefur á. Þeir hafa þó ekki skapað sér nein alvöru færi að frátöldu færinu sem Andri Rúnar fékk í byrjun leiks.

Leikurinn hefur heldur róast eftir nokkuð fjöruga byrjun. Liðin skiptast á að vera með boltann þessa stundina.

Andri Rúnar kemst hér í fína stöðu en nær ekki að koma boltanum í netið. Laust skot fer rétt framhjá markinu.

Leikurinn er hafinn!

Þetta er allt saman að fara af stað hér í Eyjum. Leikmenn ganga hér inná völlinn í þessum skrifuðu orðum.

Rúnar Kristinsson gerir fjórar breytingar á liði KR frá markalausa jafnteflinu við KA. Út úr liðinu fara þeir Stefán Árni, Kjartan Henry, Pálmi Rafn og Theodór Elmar. Í þeirra stað koma þeir Grétar Snær, Ægir Jarl, Stefan Alexander og Þorsteinn Már sem fer beint inni í byrjunarliðið eftir komuna frá Stjörnunni.

Hermann Hreiðarsson gerir þrjár breytingar á liði Eyjamanna frá 3-3 jafnteflinu ævintýrlega í Keflavík. Stærstu tíðindin eru líklega þau að Guðjón Pétur Lýðsson fær sér sæti á varamannabekknum. Þá fer Halldór Jón Sigurðar einnig út úr liðinu og Breki Ómarsson er ekki í hóp í dag. Inn í lið Eyjamanna koma Jón Ingason, Sito og Tómas Bent.

Félagaskiptaglugginn lokar á miðnætti! Bæði lið hafa styrkt leikamannahópa sína síðasta sólarhringinn. Það var tilkynnt í gærkvöldi að Þorsteinn Már Ragnarsson væri genginn til liðs við KR frá Stjörnunni. ÍBV staðfesti svo nú eftir hádegið komu Elvis Bwomono. Elvis spilaði með Southend United á Englandi og þekkir Hermann Hreiðarsson vel til kappans enda var hann aðstoðarþjálfari liðsins um tíma.

Dómgæslan Dómari leiksins er Sigurður Hjörtur Þrastarson, honum til aðstoðar eru þeir Bryngeir Valdimarsson og Sveinn Þórður Þórðarson. Varadómari er Aðalbjörn Heiðar Þorsteinsson og eftirlitsmaður KSÍ er Þórður Georg Lárusson.

Eftir að hafa ekki komist á blað í fyrstu tveimur umferðunum skoraði Andri Rúnar Bjarnason sitt fyrsta mark á tímabilinu gegn Leikni í 3. umferð. Hann var svo aftur á skotskónum í jafnteflinu við Keflavík. Mikilvægt fyrir Eyjamenn að fá Andra í gang!

Staða liðanna Tveimur sætum munar á liðunum og tveimur stigum, liðin hafa skorað jafn mörg mörk það sem af er tímabili en vörn KR-inga hefur staðið vaktina betur. Eyjamenn sitja í 9. sæti með tvö stig, fimm mörk skoruð og níu fengin á sig. KR er í 7. sæti með fjögur stig, fimm mörk skoruð og fjögur fengin á sig.

Talandi um enga draumabyrjun, það á einnig við um byrjun KR-inga á tímabilinu. Eftir öflugan 1-4 sigur á Fram í fyrstu umferð hafa fylgt tveir tapleikir og eitt jafntefli. KR fékk KA í heimsókn síðastliðinn sunnudag, þar var niðurstaðan markalaust jafntefli. KR-ingar náðu ekki að nýta sér það að vera manni fleiri stóran hluta leiksins. Stigin sem komin eru í hús í Vesturbænum eftir fjórar umferðir eru fjögur talsins og sætta KR-ingar sig því ekki við neitt annað en sigur hér í dag.

Eyjamenn eru með 2 stig að loknum fjórum umferðum. Engin draumabyrjun en lærisveinar Hermanns Hreiðarssonar hafa verið að spila sig betur saman með hverjum leiknum sem þeir hafa spilað á þessu tímabili. Fyrra stigið fengu þeir eftir 1-1 jafntefli við Leikni hér á Hásteinsvelli í 3. umferð. Annað stigið kom svo í ævintýralegum leik í Keflavík síðastliðinn laugardag þar sem lokatölur urðu 3-3. Eyjamenn fengu þar á sig jöfnunarmark í uppbótartíma.

Heil og sæl og verið velkomin í beina textalýsingu frá Hásteinsvelli í Vestmannaeyjum. Flautað verður til leiks hér í viðureign ÍBV og KR í 5. umferð Bestu deildar karla kl. 18:00.