SKÝRSLAN: KA hafði betur í miklum hasar á Akureyri
Hvað réði úrslitum?
KA var með góða forystu í hálfleik og manni færri, þeir misstu dampinn í upphafi síðari hálfleiks en eftir að Fram minnkaði muninn tókst norðanmönnum að klára dæmið!
Bestu leikmenn
1. Nökkvi Þeyr Þórisson
SJálfgefið! Fyrsta þrennan á ferlinum og lagði grunninn að sigri KA.
2. Ásgeir Sigurgeirsson
Mjög líflegur í framlínunni hjá KA í dag og nældi í vítaspyrnurnar sem Nökkvi kláraði.
Atvikið
Það er af ýmsu að taka. Annað mark KA var ansi klaufalegt af hálfu Fram. Það kom sending innfyrir á Ásgeir sem Gunnar Gunnarsson hafði lítinn áhuga á að reyna stöðva. Hosine Bility sem hafði verið nýbúinn að fá gult spjald náði Ásgeiri og reif hann niður í teignum og fékk verðskuldað sitt annað gula spjald og þar með rautt.
Hvað þýða úrslitin?
Einfaldlega að KA verður í pottinum þegar dregið verður í 8 liða úrslit Mjólkurbikarsins en Framarar geta farið að einbeita sér af deildinni.
Vondur dagur
Varnarleikur Fram var ekki til útflutnings. Eins og fyrr segir var Gunnar Gunnars í basli í öðru markin og Bility lét reka sig af velli. Ólafur í markinu fékk verðskuldað tvö víti á sig.
Dómarinn - 5
Þrjú víti og tvö rauð spjöld, þetta átti allt rétt á sér en Fram átti að fá vítaspyrnu þegar Þorvaldur dæmdi aukaspyrnu á vítateigslínunni undir lok fyrri hálfleiksins í stöðunni 2-0 fyrir KA.