LOKATÖLUR 3-1 FYRIR ÍBV
Afar svekkjandi fyrir KR eftir að hafa spilað afskaplega vel í um klukktíma rúmlega. Flottur karakter hjá ÍBV að koma til baka og loka þessu svona vel.

KR er núna á botninum með sjö stig og ÍBV er í fjórða sæti með 21 stig.

Set alveg spurningamerki við að Rasamee hafi verið tekin út af svona snemma. Hún var virkilega góð á miðsvæðinu áður en hún fór út af.

Afsakplega svekkjandi fyrir KR. Það er ekkert sem bendir til þess að þær fái eitthvað úr þessum leik núna. ÍBV er áfram að sækja.

KR-ingar misstu einbeitinguna og köstuðu þessu frá sér. Þetta virkaði afskaplega þægilegt fyrir þær þegar um stundarfjórðungur var eftir.

Þetta gerðist líka í síðasta leik KR gegn Stjörnunni; þær komust yfir en enduðu á því að tapa leiknum.

Telma Steindórs bjargaði þarna marki. Mikill kraftur í Eyjakonum núna.

Mikill darraðadans inn á teig KR-inga og Vestmannaeyingar óheppnar að skora ekki!!

Þetta mark kom svolítið upp úr engu, einstaklingsframtak hjá Hönnu. Það steig enginn upp á móti henni og auðvitað lét hún bara vaða. Það borgaði sig.

Svekkjandi fyrir KR-inga sem hafa lagst aðeins aftar í seinni hálfleiknum.

Hanna Kallmaier jafnaði fyrir ÍBV.

Gestirnir hafa varist vel í seinni hálfleiknum og er þetta að spilast bara nákvæmlega eins og þeir vildu.

Júlíana reynir skot af 35-40 metra færi. Yfir markið. Skemmtileg tilraun en aldrei líkleg til árangurs.

Staðan er enn sú sama fyrir norðan, 0-1 fyrir Mosfellingum.

Olga er allt í öllu í sóknarleik ÍBV. Bara ef liðsfélagar hennar væru aðeins að tengja betur við það sem hún væri að gera.

Cornelia með tvöfalda vörslu til að koma í veg fyrir að ÍBV jafni.

Ísabella Sara með frábæran undirbúning fyrir Marcellu sem er í mjög fínu skotfæri, en skotið er ekki alveg nægilega gott og Auður ver það auðveldlega.

Eyjakonur áttu að jafna þarna áðan, engin spurning.

Kristín Erna í DAUÐAFÆRI!!! en Cornelia gerir frábærlega í að verja með fætinum. Olga gerir stórkostlega í aðdragandanum og þarna átti varamaðurinn að skora.

Leikur ÍBV í hnotskurn; langur bolti úr vörninni sem fer beinustu leið aftur fyrir endamörk.

Ísabella Sara liggur eftir og þarf aðhlynningu.

Alls ekki skrítið að Kristín Erna sé komin inn á. Leikmaður sem getur breytt leikjum.

KR-ingar mættar út á völl langt á undan heimakonum. Jonathan Glenn að fara vel yfir hlutina.

Þetta er bara mjög sanngjörn staða að mínu mati, virkilega flottur fyrri hálfleikur hjá KR!

Búið að flauta til hálfleiks og það eru gestirnir sem leiða óvænt.

Eins og staðan er núna þá eru þrjú lið með tíu stig í sjöunda til níunda sæti (Keflavík, Þór/KA og KR). Afturelding er svo á botninum með níu stig, en þær eru að vinna á Akureyri - 0-1.

Marcella með gott hlaup inn á teiginn, en var lengi að ákveða sig. Hún á svo skot sem Auður á auðvelt með að verja.

Leikurinn er stórskemmtilegur um þessar mundir.

Olga Sevcova með stórhættulega fyrirgjöf og Ameera rétt missir af boltanum. ÍBV næstum því búið að jafna.

Auður lokar á Ísabellu
Rasamee þræðir Ísabellu Söru í gegn, en Auður kemur vel út á móti og lokar!

Mjög vel gert hjá Auði og hún kemur í veg fyrir að KR komist í 0-2. Þessi sending hjá Rasamee var í hæsta gæðaflokki, algjörlega.

ÍBV aðeins að vinna sig meira inn í leikinn finnst mér.

Ameera átti stórkostlega fyrirgjöf.

Besta færi ÍBV!!
Ameera með algjörlega stórkostlega fyrirgjöf og Sandra er í dauðafæri til að jafna en henni tekst einhvern veginn ekki að hitta markið.

Olga með laust skot sem Cornelia á ekki í neinum vandræðum með. Líklega það besta frá ÍBV í þessum fyrri hálfleik, allavega með því betra.

Hættuleg sókn hjá KR og Marcella að komast í góða stöðu, en síðasta snerting hennar er of þung. Hún missir boltann of langt frá sér og færið rennur út í sandinn.

Jonathan Glenn hlýtur að vera brjálaður yfir þessari frammistöðu hjá ÍBV. Afskaplega dapurt hingað til.

"Koma svo ÍBV, keyra þetta í gang," heyrist úr stúkunni.

Ísabella Sara Tryggvadóttir, fædd árið 2006, er að spila á vinstri kantinum hjá KR. Hún hefur heillað mig með frammistöðu sinni í byrjun leiks. Spennandi leikmaður þarna á ferðinni.

Byrjað að rigna í Eyjum sýnist mér. Það gerir leikinn bara skemmtilegri!

Það er skemmtilegur bragur yfir þessu KR-liði fyrstu mínúturnar. Eyjakonur ekki alveg komist í takt við leikinn.

Hættulegt!!
Rasamee tekur hornspyrnuna, Guðmunda lætur hann fara á milli fóta sinna og Marcella er í mjög fínu færi en skot hennar fer beint í varnarmann.

KR fær aukaspyrnu á fínum stað. Fyrirgjöf á leiðinni. Skapar smá usla. Rasamee fær boltann aftur og kemur honum fyrir, en boltinn fer aftur fyrir endamörk og KR fær hornspyrnu.

KR er með forystuna í Vestmannaeyjum.

Olga Sevcova tekur aukaspyrnu sem dettur rétt fram hjá stönginni. Skemmtileg tilraun!

KR-ingar að hóta öðru marki, það er líf í gestunum!

Það eru tíðindi að norðan; Afturelding er búið að taka forystuna gegn Þór/KA í fallbaráttuslag.

Marcella á hættulega fyrirgjöf en það vantar KR-ing til þess að stanga þetta inn.

Það er ekkert að frétta á þessum fyrstu sjö mínútum, liðunum gengur illa að halda í boltann og það er nákvæmlega ekki neitt búið að gerast.

ÍBV byrjar með boltann.

KR-ingar eru appelsínugulir í dag. ÍBV í sínum hefðbundnu hvítu búningnum.

Liðin eru komin út á völl og þetta fer að byrja.

Það styttist í upphafsflaut á Hásteinsvelli, aðstæður virðast vera góðar í Vestmannaeyjum.

Ein sem fór á EM að spila í dag
Það er ein að spila í dag sem fór á Evrópumótið með Íslandi. Það er markvörðurinn Auður Sveinbjörnsdóttir Scheving. Hún var kölluð inn í hópinn fyrir fyrsta leik á mótinu og var í kringum liðið.

Auður, sem er gríðarlega efnileg, lék fyrri hluta tímabilsins með Aftureldingu en sneri svo aftur til Eyja í síðasta mánuði. Hún lék sumarið 2020 og 2021 með ÍBV og gerði það vel.

Byrjunarliðin
Byrjunarliðin fyrir þennan leik eru klár. Það vekur mína athygli að Kristín Erna Sigurlásdóttir er á bekknum hjá ÍBV. Hún er fyrrum leikmaður KR.

Guðbjörg Gunnarsdóttir spáir því að ÍBV fari með sigur af hómi í þessum leik.

"Erfitt verkefni fyrir KR. ÍBV eru alltaf erfiðar á útivelli og vinna örugglega, 3-1. Olga Sevcova og Kristín Erna skora fyrir ÍBV og Guðmunda minnkar muninn fyrir KR í blálokin."

ÍBV siglir lygnan sjó á meðan KR berst fyrir lífi sínu
Fyrir þennan leik munar ellefu stigum á liðunum; ÍBV er í fimmta sæti og KR er í níunda sæti.

Það er kannski leiðinlegt að segja það en mögulega er þetta tímabil búið hjá ÍBV. Þær eru ekki að fara í topp tvo og eru ekki að fara að falla. Þær munu bara sigla lygnan sjó sem er alls ekki slæmt og bara nokkuð góður árangur fyrir Eyjakonur.

KR er þremur stigum frá öruggu sæti sem stendur. Þær voru óheppnar að fá ekki stig í síðasta leik gegn Stjörnunni og horfa væntanlega í það þannig að þær geti fengið eitthvað úr þessum leik.

Því miður þá get ég ekki verið í Vestmannaeyjum í dag og því mun ég fylgjast með þessum leik í gegnum útsendingu Stöð 2 Sport.

Ef þú býrð í Vestmannaeyjum og hefur áhuga á því að skrifa um leiki fyrir okkur þá er um að gera að hafa samband í gegnum [email protected].

Góðan daginn og verið velkomin í þessa beinu textalýsingu frá leik ÍBV og KR í Bestu deild kvenna.



Það fer fram heil umferð í Bestu deildinni í dag.

þriðjudagur 9. ágúst
17:30 Þór/KA-Afturelding (SaltPay-völlurinn)
17:30 ÍBV-KR (Hásteinsvöllur)
19:15 Keflavík-Valur (HS Orku völlurinn)
20:00 Stjarnan-Breiðablik (Samsungvöllurinn)
20:00 Þróttur R.-Selfoss (AVIS völlurinn)