SKÝRSLAN: Bæði lið svekkt eftir jafntefli
Hvað réði úrslitum?
Stjarnan réðin lögum og lofum á vellinum mest allan leikinn en lengi vel leit út fyrir að Blikar myndi sigla heim sterkum sigri sem væri smá meistarabragur á en Aníta kom inn af bekknum og tryggði stigið fyrir Garðbæinga.
Bestu leikmenn
1. Jasmín Erla Ingadóttir
Jasmín var frábær í dag. Allt í öllu í sóknaraðgerðum Stjörnunnar og lagði upp bæði mörkin í dag og hefði með smá heppni getað komist sjálf á blað.
2. Agla María Albertsdóttir
Blikar geta prísað sig sæla að vera búnir að endurheimta Öglu því að hún er virkilega góður leikmaður og í dag sást það á henni að hún er virkilega gæðamikil. Síógnandi og átti aukaspyrnuna sem annað markið kom upp úr.
Atvikið
Breiðablik taldi sig vera að keyra yfir Arnarneshæðinni með 3 stig en allt kom fyrir ekki þegar Aníta Ýr Þorvaldsdóttir sem var nýkominn inn á skoraði eftir fínan undirbúning frá Jasmín Erlu.
Hvað þýða úrslitin?
Bæði lið fá eitt stig og halda sér í sínum sætum. Blikar í öðru en Stjarnan í því þriðja.
Vondur dagur
Blikar voru ekki sterkari aðilinn í dag en ef liðið ætlar að vinna þessa deild þá verða þær að halda út í leikjum eins og þessum.
Dómarinn - 7
Ekkert út á dómarann að setja í dag. Auðveldur leikur að dæma.