SKÝRSLAN: Selfoss getur ekki keypt sér mark
Hvað réði úrslitum?
Það sem réði úrslitum í dag var færanýting hjá báðum liðum. Selfoss hefði hæglega getað skorað 3 mörk en inn vildi boltinn ekki. Þróttur Reykjavík fékk ekki jafn mörg færi en nýttu þau þó mun betur og skildi það liðin að í dag.
Bestu leikmenn
1. Íris Dögg Gunnarsdóttir
Það er ekki oft sem að lið vinna 3-0 og markmaður liðsins er maður leiksins en Íris var frábær í dag. Selfoss fékk nokkur dauðafæri en alltaf varði Íris boltann.
2. Danielle Julia Marcano
Danielle skoraði 2 frábær mörk í dag og nánast kláraði leikinn fyrir Þrótt R.
Atvikið
Atvik leiksins var seinna mark Þróttar R., sem kom Selfoss í opna skjöldu þar sem Þróttur R. hafði nánast ekki ógnað marki Selfoss eftir fyrsta mark leiksins.
Hvað þýða úrslitin?
Úrslitin þýða það að Þróttur er enn í 4. sæti en nálgast Stjörnuna, nú aðeins 2 stigum frá Garðbæingunum.
Selfoss halda sér í 6. sæti deildarinnar.
Vondur dagur
Sóknarlína Selfoss skapaði fullt af færum en þegar það kom að því að klára færin þá var önnur saga. Liðið getur ekki keypt sér mark þessa dagana en Selfoss skoraði mark síðast í deildinni þann 1. júní og áttu sóknarmenn Selfoss ekki sinn besta dag í dag þar sem þær klúðruðu haug af færum.
Dómarinn - 5
Báðir þjálfarar liðanna höfðu orð á því hvað leikmenn voru illa verndaðir á vellinum vegna fárra spjalda og hafa þeir eitthvað til síns máls, aðeins 1 spjald á loft í dag og hefðu þau svo sannarlega getað verið fleiri.