Sigur Gróttu staðreynd en með minnsta mögulega mun.

Viðtöl og skýrsla væntaleg síðar í kvöld.

Luke í hörkufæri í teig þróttar eftir mistök Rafal. En Rafal reddar sér á ótrúlegan hátt á endanum.

Grótta með aukaspyrnu á eigin vallarhelmingi og flýtir sér hægt. Skiljanlega

Uppbótartími að renna upp. Skjótum á 4 mínútur.

Helgi Snær með hörkuskot að marki en Jón ver.

Abnett með góða möguleika við teiginn en velur verstu og erfiðustu sendinguna af þeim öllum. Niðurstaðan verður að boltinn fer beint í fang Jóns.

Kjartan Kári sækir aukaspyrnu á vítateigslínu úti hægra megin. Alveg á mörkunum að vera víti.

Heimamenn að pressa og vinna aftur horn.

Fáum við jöfnunarmark.

Nikola Djuric með skot af varnarmanni og afturfyrir.

Heimamenn verið betri í síðari hálfleik frá mér séð.

Alexander Helgason með tíma og pláss á 20 metrum lætur vaða á markið en skotið framhjá markinu.

Hálf kostulegt, Þróttur á innkast en vitlaust innkast dæmt og innkastið því Gróttumanna. Ekki tekst betur upp hjá þeim því vitlaust innkast dæmt aftur og færist því aftur til Þróttar.

Grótta í ágætu færi en skot Kristófers framhjá markinu.

Mbongo með hörkuskot sem Jón gerir vel í að slá í horn.

Kjartan sjálfur með skotið úr aukaspyrnunni en boltinn vel yfir markið.

Þóttur fær aukaspyrnu á prýðilegum stað. Verða að nýta svona sénsa ef þeir ætla sér að fá eitthvað úr þessum leik.

Spyrnan beint í vegginn.

Gestirnir fá horn

Seinni hálfleikur hafinn

Gestirnir sparka þessum síðari hálfleik í gang.

Ekkert varð úr horninu og flautað til hálfleiks.

Heimamenn gjafmildir í fyrri hálfleik og gáfu gestunum þetta eina mark leiksins til þessa. Verið þéttir til baka heilt yfir. Gestinir verið mun meira með boltann en gengið erfiðlega að skapa sér nokkuð teljandi til þess að tala um.

Komum aftur að vörmu spori með seinni hálfleikinn.

Grótta fær horn.

Hans Mbongo með skot frá vinstra vítateigshorni en boltinn beint á Jón.

Heimamenn fá hornspyrnu.

Væru alveg til í einn Andy Pew í teignum.

Atli Dagur í ágætu skotfæri við teig Gróttu en skot hans af varnarmanni í fang Jóns í marki Gróttu.

Grótta fær aukaspyrnu á vænlegum stað eftir að brotið var á Valtý Má.

Kristófer Orri með skotið úr spyrnunni en boltinn vel yfir markið.

Helgi Snær með lúmska sendingu inn á teignn á Magnús Andra sem hikar við að taka á móti boltanum og góð staða rennur út í sandinn hjá Þrótturum.

Kristófer Orri með hornspyrnu inn á teiginn sem Arnar Þór er fyrstur á en skalli hans framhjá markinu.

Rafal með tvöfalda vörslu

Fyrst frá Kjartani Kára sem sleppur í gegn eftir góða sendingu Luke. Rafal mætir vel út og ver vel en frákastið beint fyrir fætur Luke sem á skotið en aftur ver Rafal.

Arnar Daníel með fyrirgjöf frá hægri en Rafal mætir út og hirðir boltann.

Enn við sama heygarðshornið hér. Leikurinn einkennist fyrst og fremst af mikilli baráttu og færin láta á sér standa.

Talsverð ákefð í báðum liðum en gæðin ekki af sama kaliberi til þessa.

Grótta líklegri

Komið að heimamönnum að fá horn.

Grótta fær fyrstu hornspyrnu leiksins.

Pressa gestaliðsins að þyngjast. Hafa þrýst liði Þróttar mjög neðarlega og eru bara að auka pressuna.

Liggur marki í loftinu?

Luke Rae með fyrstu alvöru tilraun Gróttu, fær boltann í teignum frá Benjamin en nær ekki góðu skoti og boltinn beint á Rafal.

Gestirnir verið meira með boltann þessar fyrstu mínútur en ekki skapað sér fær til þess að tala um.

Stangarskot

Leó Kristinn fær boltann frá Mbongo um 20 metrum frá marki og lætur vaða.

Skotið gott og fer í innanverða stöngina vinstra meginn og skrúfast því sem næst eftir línunni og út..

Heimamenn óheppnir.

Þetta er farið af stað hér í Vogunum.

Það eru heimamenn sem hefja hér leik.

Þríeykið
Aðaldómari leiksins er Aðalbjörn Heiðar Þorsteinsson. Með honum til aðsotðar eru Óli Njáll Ingólfsson og Breki Sigurðsson. Eftirlitsmaður leiksins sendur af KSÍ er Sigurður Óli Þórleifsson.

Grótta

Eftir að hafa setið á toppi deildarinnar ekki alls fyrir löngu hefur heldur hallað undan fæti hjá Gróttu. 3 töp í síðustu fimm leikjum hafa kostað liðið sem á þó ennþá tölfræðilegan möguleika á því að fara upp um deild en þarf á kraftaverki að halda úr fjórða sætinu þar sem liðið situr 11 stigum á eftir liði Fylkis sem situr í 2.sæti deildarinnar.

Grótta komst þó á beinu brautina í síðustu umferð þegar liðið tók á móti Aftureldingu á Seltjarnarnesi. Þar hafði lið Gróttu 4-2 sigur í skemmtilegum leik.

Chris Brazell þjálfari Gróttu tekur í kvöld út sinn síðasta leik í leikbanni sem hann var dæmdur í vegna atvika eftir leik Gróttu gegn HK á dögnum. En fyrir það hlaut hann þriggja leikja bann.

Þróttur V.

Lið Þróttar hefur ekki riðið feitum hesti frá viðureignum sínum í Lengjudeildinni þetta sumarið. Þeir verma botnsæti deildarinnar með alls 6 stig 12 stigum frá öruggu sæti þegar 6 umferðum er ólokið. Það verður því að teljast líklegt að stopp Vogamanna í Lengjudeildinni verði stutt í þetta sinn en reynslan þeim mun dýrmætari.

Í síðustu umferð heimsóttu Þróttarar topplið HK í Kórinn og þuftu að gera sér að góðu 4-1 tap í leik sem helst verður minnst fyrir það að útileikmaður stóð í marki Þróttar drjúgan hluta leiktímans.

Góða kvöldið og verið velkomin í þessa beinu textalýsingu Fótbolta.net frá leik Þróttar Vogum og Gróttu í Lengjudeild karla en flautað verður til leiks á slaginu 18:00