Hér verður bein textalýsing frá leik Selfyssinga og ÍA í lokaumferð Pepsi-deildarinnar í dag. Selfyssingar eru í mikilli fallhættu og það þarf ýmislegt að ganga á ef að liðið ætlar að bjarga sér frá falli. Selfyssingar þurfa að sigra ÍA, treysta á að ÍBV vinni Fram og um leið vonast til að vinna upp sex marka mun sem er á milli liðanna. Skagamenn sigla aftur á móti lygnan sjó í sjöunda sætinu en þeir geta hoppað upp um eitt sæti og einnig dottið niður í níunda sætið.

Bernard Petrus Brons leikmaður Selfyssinga tekur út leikbann í leiknum í dag. Þá er Aron Ýmir Pétursson í leikbanni hjá Skagamönnum.

Byrjunarliðin eru klár. Þau má sjá hér til hliðar!

Völlurinn á Selfossi er í flottu standi og allt til staðar fyrir góðan leik í dag.

Skagamenn fóru illa með Selfyssinga í fyrri leiknum í sumar en niðurstaðan á Akranesi var 4-0.

Tómas Leifsson var úrskurðaður í leikbann á fundi aganefndar á þriðjudag. Það voru hins vegar mistök, hann er ekki í banni og er á vinstri kantinum í dag.

Leikurinn er hafinn. Stuðningsmenn Selfyssinga virðast ekki hafa alltof mikla trú á verkefninu því að stúkan er ekki einu sinn hálffull.

Andri Adolphsson fær ágætis færi eftir undirbúning hjá Jóni Vilhelm Ákasyni en skot hans fer framhjá.

Ismet Duracak ver skalla Ármanns Smára eftir hornspyrnu og í kjölfarið er mikill darraðadans í markteignum áður en Selfyssingar ná að hreinsa.

Viðar Örn með skalla sem Árni Snær ver auðveldlega. Það eru færi á báða bóga hér, fjörug byrjun!

Selfyssingar fá aukaspyrnu í vítateigsboganum. Jón Daði Böðvarsson þrumar í átt að marki en boltinn fer beint í hausinn á Kára Ársælssyni sem steinliggur.

Viðar Örn Kjartansson á skot sem Árni ver eftir langt innkast frá Stefáni Ragnari. Selfyssingar verða að fara að skora ef þeir ætla sér að bjarga sæti sínu.

Tómas Leifsson fær fínt færi á fjærstönginni eftir undirbúning hjá Jóni Daða en honum bregst bogalistin.

Þetta mark kom nokkuð gegn gangi leiksins en Selfyssingar höfðu verið frískari síðustu mínúturnar.

Búið er að flauta til leikhlés. Selfyssingar virðast vera búnir að gefast upp, það vantar alla baráttu hjá þeim og það þarf kraftaverk til að liðið nái að bjarga sæti sínu.

Selfyssingar halda lokahóf sitt í kvöld og hægt er að kaupa miða á það hér í hálfleik.

Síðari hálfleikurinn er hafinn. Það er kannski lýsandi að Skagamenn taka baráttuhring fyrir síðari hálfleikinn á meðan Selfyssingar standa og horfa á.

Theo Furness kemst í dauðafæri en Ismet Duracak ver frá honum.

Babacar Sarr með þrumuskot sem Árni Snær ver.

592 áhorfendur á vellinum í dag. Slök mæting hjá Selfyssingum miðað við mikilvægi leiksins.

Jón Daði fær fínt skallafæri eftir aukaspyrnu en boltinn fer yfir.

Viðar Örn með hörkuskot sem Árni Snær ver í horn.

Leiknum er lokið með 3-1 sigri ÍA. Selfyssingar liggja svekktir á vellinum enda eru þeir fallnir niður í 1. deild. Nánari umfjöllun og viðtöl hér á Fótbolta.net síðar í dag.