SKÝRSLAN: Jafntefli í leik með miklum hasar
Hvað réði úrslitum?
Leikurinn var kaflaskiptur þar sem liðin skiptust á að sækjast. Bæði lið áttu sín moment en jafntefli er líkast til réttlát niðurstaða.
Bestu leikmenn
1. Marc Mcausland (Njarðvík)
Marc stóð vörnina vel og skoraði flott mark. Hann leit ekkert frábærlega út í markinu sem þau fengu á sig en hann bætti upp fyrir það með því að jafna.
2. Tómas Johannessen (Grótta)
Þessi ungi strákur var virkilega sprækur í kvöld og skoraði gott mark til að koma Gróttu yfir í leiknum.
Atvikið
Gunnar Jónas Hauksson brýtur frekar groddaralega á Hreggvið á 66. mínútu. Þetta hefði alveg getað orðið rautt en alveg skiljanlegt að gefa gult til að leyfa leiknum að halda áfram í sömu mynd.
Hvað þýða úrslitin?
Bæði lið eru komin með 1 stig eftir fyrsta leik Lengjudeildarinnar.
Vondur dagur
Erfitt að gefa á einhvern einn þar sem það var hart barist og enginn sem var eitthvað sérstaklega lélegur.
Dómarinn - 8
Dómarateymið stóð sig bara vel í leik sem hefði getað leysts upp í vitleysu. Klárlega sumir Njarðvíkingar sem verða ósammála og vildu rautt á Gunnar en ég skil það alveg að sleppa því.