SKÝRSLAN: FH heldur áfram að vinna á heimavelli
Hvað réði úrslitum?
FH var heilt yfir sterkari aðilinn í leiknum en það voru hrikaleg mistök frá Edon Osmani sem gaf FH annað markið og Keflavík voru ekki líklegir til að skora 2 mörk þar á eftir þó að þeir hafi reynt að sækja á loka mínútunum.
Bestu leikmenn
1. Úlfur Ágúst Björnsson (FH)
Úlfur átti góðan leik í fremstu línu þar sem nokkrir leikmenn heimamanna gera tilkall í að vera maður leiksins. Úlfur skoraði virkilega gott mark þar sem hann spilaði vel með Vuk til að skapa færið, einnig var hann að koma sér í nokkur góð færi.
2. Sindri Kristinn Ólafsson (FH)
Kjartan Henry eða Vuk eru kannski sárir að vera ekki í þessum dálk en Sindri varði einu sinni alveg virkilega vel frá Smylie og þegar Keflavík var að reyna að sækja jöfnunarmarkið í endan þá sópaði Sindri upp alla bolta sem komu inn í teiginn.
Atvikið
Markið hans Kjartans Henry var virkilega athugavert þar sem Edon Osmani gerist sekur um hrikaleg mistök. Hann ætlar að senda boltan til baka á markmann frá miðlínu en boltinn drífur bara hálfa leið og Kjartan er fljótur að komast til boltans og lyfir boltanum yfir Rosenörn sem hafði komið út úr markinu til að mæta boltanum.
Hvað þýða úrslitin?
FH er komið með 10 stig og sitja í 5. sæti jafnir HK á bæði stigum og markatölu.
Keflavík er áfram í 9. sæti með 4 stig.
Vondur dagur
Það voru nokkrir leikmenn Keflavíkur sem áttu ekki sinn besta dag en þeir Edon Osmani og Sindri Þór Guðmundsson fá að deila þessum dálk. Edon fyrir mistökin sín í marki Kjartans Henry og Sindri fyrir virkilega slæman fyrri hálfleik þar sem hann gerðist sekur um nokkur mistök sem hann var heppinn að enduðu ekki mörkum. Hann var svo tekinn útaf í hálfleik.
Dómarinn - 8
Vilhjálmur og hans teymi voru bara fínir í þessum leik. Það var spurningamerki hvort það hefði átt að gefa rautt á Lennon en mér fannst bara fínt að leyfa leiknum að halda áfram og ekki hleypa leiknum upp í vitleysu sem þeim tókst vel að stjórna þegar sumir leikmenn voru orðnir heitir í lok leiks.