SKÝRSLAN: Valur klaufar gegn ólseigum Keflvíkingum
Hvað réði úrslitum?
Valsmenn klúðruðu færunum þegar þau komu. Það skildi á milli þess fyrir þá að vinna eða gera jafntefli. Keflvíkingar voru sömuleiðis gríðarlega þéttir tilbaka og vörðust vel og áttu inn á milli þokkalegar skyndisóknir. Valsmenn mega vera svekktir að fara ekki með nema eitt stig úr þessu.
Bestu leikmenn
1. Gunnlaugur Fannar Guðmundsson
Var frábær í öftustu línu Keflavíkur. Varðist frábærlega og stöðvaði nokkrar álitlegar sóknir. Mathias Rosenörn fær líka shout í marki Keflavíkur
2. Hlynur Freyr Karlsson
Var besti maður Vals í leiknum. Stöðvaði bróðurpartinn af skyndisóknum Keflavíkur og virtist alltaf vera þannig að þegar Keflavík ætlaði að ógna var hann mættur að stöðva það.
Atvikið
Tryggvi Hrafn hittir boltann hræðilega á upphafsmínútum leiksins þegar hann fékk líklega eitt besta færi leiksins.
Hvað þýða úrslitin?
Keflavík nær loksins að bæta við stigum á töfluna eftir erfiðar vikur en sitja þrátt fyrir það áfram í fallsæti en nú aðeins stigi á eftir öruggu sæti. Valsmenn klaufar að vinna ekki setja meiri pressu á Víkinga í toppbaráttunni.
Vondur dagur
Tryggvi Hrafn Haraldsson fékk tvö dauðafæri sem fóru forgörðum. Sennilega fáir svekktari en einmitt hann eftir leikinn í dag. Færanýting Vals var slæm.
Dómarinn - 7
Solid 7a. Valsmenn vildu víti en hefði verið hart að dæma það. Leyfði leiknum að fljóta þokkalega og var ekkert að stöðva leikinn að óþörfu.