Þetta er búið!!!

Víkingar vinna frábæran sigur og hafa þar með unnið fyrstu átta leiki sína í Bestu deildinni!

Hassan með hættulegan bolta fyrir en Ingvar gerir mjög vel í að taka hann.

En HK-ingar ná ekki að búa sér til neitt í sókninni þar á eftir. Ingvar með boltann.

Pablo þræðir Loga í gegn en fyrsta snertingin hjá Loga er alltof þung. Arnór tekur boltann upp og kemur honum strax í leik.

Sá ekki alveg uppbótartímann en það ætti að vera dágóður tími í ljósi stoppa í seinni hálfleiknum.

HK-ingar eru að leita að jöfnunarmarkinu. Það gengur ágætlega hjá Víkingum að verjast. Eru komnir í fimm manna varnarlínu eftir að Halldór Smári kom inn á.

Athyglisvert að báðir þjálfarar eru búnir að skipta leikmanni inn á og aftur út af.

Það er svo sannarlega hiti í Kórnum. Varðandi rauða spjaldið þá fannst mér það líta út eins og réttur dómur við endursýningu. Virðist fara hátt með fótinn í tæklingu og það er stórhættulegt. Ég hélt að Elías væri að taka upp gula spjaldið fyrst en svo tók hann upp það rauða eftir að hafa hugsað sig um.

En ég væri til í að sjá þetta aftur.

Arnór Borg í færi en Leifur Andri gerir frábærlega í því að koma sér fyrir skotið!

Gunnar liggur eftir í teignum og Eyþór labbar utan í hann. Veit ekki hvort þetta var viljandi en ég trúi því að þetta hafi verið vont fyrir Gunnar.

Það er einhver gæi með lúður í stúkunni og hann er að blása í hann endalaust. Hætta þessu, takk.

Logi með skot að marki sem Arnar ver auðveldlega.

Miklu meiri kraftur í heimamönnum í seinni hálfleik, sérstaklega í Örvari. Þegar hann kemst á ferðina þá er illviðráðanlegt að eiga við hann.

Marciano þræðir Eyþór Aron í gegn. Frábært færi en hann nær engum krafti í skotið og Ingvar ver nokkuð þægilega. HK-ingar eru líklegir til að jafna þessa stundina.

Slök hornspyrna hjá Brynjari sem fer yfir allan pakkann.

Meiri kraftur í HK-ingum núna en í fyrri hálfleiknum. Þeir fá hornspyrnu.

Aukaspyrna á stórhættulegum stað fyrir HK en Örvar setur boltann beint í vegginn. Illa farið með gott færi.

Það er kalt úti, en það er að myndast smá hiti hér í Kórnum. Marciano brýtur á Karli Friðleifi en sleppur við gult spjald.

En Arnar gerir mjög vel í að verja. Þetta var utarlega af 25 metrunum, mjög fast. Vel varið hjá markverði HK-inga. Víkingar fá hornspyrnu en Arnar kýlir boltann í burtu.

Það er búið að flauta til hálfleiks í Kórnum. Toppliðið leiðir 1-0 en forystan ætti í raun að vera töluvert stærri. Þessi leikur er langt frá því að vera búinn.

Og einhverju ofan á það út af meiðslum Nikolaj.

Þarf að fara að brenna fyrir almennilega hjá Nikolaj Hansen þetta er farið að trufla alla leiki.

— Vilhjálmur Hallsson (@Vilhjalmurfreyr) May 21, 2023

Birnir með skottilraun sem fer í varnarmann HK og upp í hausinn á Nikolaj sem þarf að fá aðhlynningu út af því. Víkingar fá hornspyrnu.

Örvar í ágætis stöðu en Vatnhamarinn hendir sér fyrir skotið!

HK-ingar að undirbúa sína fyrstu skiptingu. Ívar að fara meiddur af velli, sýndist hann meiðast aftan í læri.

Bæði lið þurft að gera skiptingu í fyrri hálfleiknum vegna meiðsla.

Núna liggur Ívar Örn eftir á miðjum vellinum. Þetta lítur ekki sérlega vel út.

Logi með stórkostlegan bolta fyrir - enn og aftur. HK-ingar ná ekki að koma honum frá og hann endar hjá Erlingi á fjærstönginni en Arnar ver stórkostlega.

Víkingar eiga að vera búnir að skora fleiri mörk!

Viktor Örlygur, markaskorari Víkinga, liggur eftir og þarf aðhlynningu. Ég held að hann sé að fara út af.

Örvar við það að sleppa í gegn en Gunnar gerir vel í að hlaupa hann niður og loka á hann. Örvar reynir skottilraun í örvæntingu sem var aldrei líkleg til árangurs.

Mjög áhugavert hvernig uppspilið hjá Víkingum fúnkerar. Arnar er að sækja hugmyndir frá Pep Guardiola sýnist mér. Gunnar Vatnhamar er miðvörður í vörn en miðjumaður í sóknarleiknum. Þegar Víkingar tapa boltanum á slæmum stað þá gefur þetta HK möguleika, eins og þegar Arnþór átti skotið áðan.

Marciano með skot eftir hornspyrnuna en það fer beint í varnarmann.

Og hún var ansi góð!

Víkingar tapa boltanum og HK-ingar fara í skyndisókn. Arnþór Ari fer í skotið af 20 metrunum og það er býsna gott. Ingvar var ekki alveg viss og blakar boltanum yfir.

Leikurinn fer einungis fram á vallarhelmingi HK. Þetta er stanslaus pressa frá gestunum.

Pablo með skot að marki sem Arnar handsamar auðveldlega.

Birnir með fyrirgjöf sem fer alla leið í gegnum pakkann og út hægra megin. Þar tekur Karl Friðleifur á móti honum og sendir hann aftur fyrir. Viktor Örlygur er einn í teignum en skallar hann yfir markið.

Þetta var dauðafæri! Hvernig eru Víkingar ekki búnir að skora?

Logi með frábæra fyrirgjöf en Matti Villa er ekki nógu áræðinn þarna. Arnar kemur út á móti og boltinn fer fram hjá þeim báðum. Ef Matti hefði hent sér á þennan bolta þá hefði þetta verið fyrsta markið. Stórkostlegur bolti hjá Loga.

Það liggur mark í loftinu. Víkingar eru að þjarma vel að heimamönnum þessa stundina.

Birnir reynir skot að marki en það fer frekar hátt yfir. Maður verður að reyna!

Pablo með sturlaða sendingu inn fyrir vörnina og Viktor er kominn í mjög álitlega stöðu en hann er alltof lengi á boltanum og Arnar tekur hann bara af honum.

Víkingar að sækja í sig veðrið eftir bragðdaufa byrjun.

Birnir er afar líflegur úti vinstra megin gegn sínu gamla félagi. Hérna finnur hann Nikolaj í svæðið og hann er kominn í ágætis stöðu en Arnar lokar vel. Nikolaj reynir að pota honum fram hjá markverðinum en nær ekki að finna rétta vinkilinn.

Smá hætta skapaðist eftir hornspyrnuna í kjölfarið en Arnar nær að handsama boltann.

Besta tilraun leiksins hingað til! Erlingur pakkar Ívari saman í skallaeinvígi, Nikolaj fær boltann og kemur honum á Birni. Hann fer yfir á hægri fótinn og á flott skot við vítateigslínuna sem Arnar Freyr gerir mjög vel í að verja!

Víkingar eru að reyna mikið af fyrirgjöfum, en Leifur Andri og Ahmad eru með þetta allt í teskeið - hingað til.

Trommusveit HK lætur vel í sér heyra.

HK-ingar eru að spila í sínum hefðbundnu á heimabúningum á meðan Víkingar leika í nettum varabúningum sínum. Veit ekki alveg hvernig ég á að lýsa lit þessara búninga, eru svona gulhvítir - mjög flottir að mínu mati.

Nikolaj nær að koma höfði á boltann en fram hjá fer hann.

Víkingar byrja upp á því að fara í hættulega sókn. Hefðu klárlega getað farið betur með góða stöðu en þeir vinna hornspyrnu.

Rúllum af stað! Ná HK-ingar að stöðva Víkinga?

Leikmenn eru að ganga út á völl. Svona tvær mínútur í að við förum af stað.

Breiðablik vann 2-0 sigur gegn KA í fyrsta leik dagsins í Bestu deildinni. Breiðablik er núna með 18 stig, þremur stigum frá Víkingum. Valur er einnig með 18 stig, en Valsmenn mæta Keflavík núna á sama tíma og þessi leikur hefst.

Það er partý í stúkunni á Kópavogsvelli. pic.twitter.com/UijJSJgy0E

— Blikar.is / Íslandsmeistarar 2022 (@blikar_is) May 21, 2023

Bæði lið eru að fara að ljúka upphitun fljótlega. Það eru 13 mínútur í fyrsta flaut.

Það er oft hægt að kvarta yfir því að það sé spilað inn í Kórnum yfir sumarið, en það er svo sannarlega ekki hægt að kvarta yfir því í kvöld. Veðrið úti er alls ekki gott. Það var erfitt að ganga inn í Kórinn út af skelfilegu hagléli.

Það er 21. maí, gott fólk.

Ari Sigurpálsson meiddist á undirbúningstímabilinu en hann er að koma til baka. Í kvöld gæti hann spilað sinn fyrsta deildarleik fyrir Víkinga en hann byrjar á varamannabekknum.

Búið er að opinbera byrjunarliðin fyrir leikinn í kvöld.

Birkir Valur Jónsson missti af síðasta leik gegn Keflavík en hann snýr aftur í byrjunarlið HK í dag. Brynjar Snær Pálsson kemur einnig inn en út fara Eiður Atli Rúnarsson og Atli Arnarson.

Arnar Gunnlaugsson, þjálfari Víkinga, gerir eina breytingu á sínu liði. Danijel Dejan Djuric fer á bekkinn og inn í hans stað kemur Viktor Örlygur Andrason. Ari Sigurpálsson gæti spilað sinn fyrsta deildarleik í sumar en hann er að koma til baka eftir meiðsli.


Birkir Valur Jónsson.

mánudagur 22. maí
18:00 ÍBV-FH (Hásteinsvöllur)
19:15 Fram-KR (Framvöllur)
19:15 Stjarnan-Fylkir (Samsungvöllurinn)

sunnudagur 21. maí
17:00 Breiðablik-KA (Kópavogsvöllur)
19:15 HK-Víkingur R. (Kórinn)
19:15 Valur-Keflavík (Origo völlurinn)

Í Kórnum taka HK-ingar á móti Víkingum.

???? Kórinn
?? 19:15
?? @hkkopavogur ???? @vikingurfc
????? Miðasala á https://t.co/gOIMRhybun pic.twitter.com/CGlWpWtRTN

— Besta deildin (@bestadeildin) May 21, 2023

Guðjón Pétur Lýðsson, miðjumaður Grindavíkur, spáir því að það verði mikill markaleikur í Kórnum í kvöld.

HK 4 - 4 Víkingur R.
Alvöru rússibanaleikur Víkingarnir mæta með sitt stjörnuprýdda lið en seiglan sem hefur einkennt HK mun valda þeim vandræðum Atli Hrafn setur 2 , Örvar Eggertsson heldur áfram að valda liðum vandræðum með hraða sínum og áræðni og setur eitt og Atli Arnarsson neglir einu í skeytin í víti.

Matti Villa skorar skallamark og kveikir neistann hjá Víkingum og byrjar comebackið , Hansen setur svo eitt , Pablo bætir við 3 og Halldór Smári skorar svo jöfnunarmark á 94 mínútu.

Þessi lið mættust síðasta í deildarleik þann 11. september 2021. Þá mættust liðin í Víkinni og höfðu heimamenn betur, 3-0. Nikolaj Hansen gerði fyrsta markið og svo bætti Erlingur Agnarsson við tveimur mörkum.

Víkingur varð bæði Íslands- og bikarmeistari það sumar, en þegar liðin mættust í Kórnum á því tímabili var niðurstaðan markalaust jafntefli. Vonum svo sannarlega að það verði ekki niðurstaðan í dag.


Erlingur Agnarsson.

Bæði lið spiluðu í Mjólkurbikarnum í liðinni viku. HK tapaði gegn KA í Kórnum á meðan Víkingar lögðu Gróttu að velli. Víkingar, sem eru ríkjandi meistarar fara á Akureyri í átta-liða úrslitunum og mæta þar Þórsurum.


Logi gerði sigurmark Víkings gegn Gróttu.

Bikarmeistararnir hafa byrjað stórkostlega og eru á toppi deildarinnar fyrir leik kvöldsins. Víkingar hafa unnið alla þá leiki sem þeir hafa spilað í Bestu deildinni í sumar og eru með fullt hús stiga eftir sjö umferðir. Breiðablik, sem varð Íslandsmeistari í fyrra, vann fyrstu átta leikina. Ná Víkingar að jafna þann árangur í dag?

Víkingur vann 2-0 sigur á FH í síðasta deildarleik sínum. Mörkin þar gerðu Birnir Snær Ingason og Nikolaj Hansen.

Hefur komið allflestum á óvart með frammistöðu sinni og úrslitum í upphafi móts. Liðið byrjaði á mjög óvæntum sigri gegn nágrönnum sínum í Breiðabliki og hefur fylgt því vel eftir. Liðið er fyrir leikinn í dag í fjórða sæti með 13 stig. Frábær árangur hjá nýliðunum til þessa.

HK fór til Keflavíkur í sjöundu umferðinni og vann þar flottan 0-2 sigur þar sem Arnþór Ari Atlason og Örvar Eggertsson skoruðu mörkin.

Í beina textalýsingu frá leik HK og Víkings í áttundu umferð Bestu deild karla. Leikið verður í Kórnum í Kópavogi.