Helgi Mikael flautar til leiksloka. Jafntefli niðurstaðan hér á Hlíðarenda.

Takk fyrir samfylgdina. Viðtöl og skýrsla á leiðinni!

Fjórar mínútur í uppbótartíma.

Logi Hrafn fær boltann og nær að koma boltanum út til vinstri á Vuk Oskar sem nær skoti en Schram ver.

Adam Ægir tekur aukaspyrnu stutt og boltinn út til vinstri og Sigga Lár sem á fyrirgjöf beint á hausinn á Hólmar sem nær skalla en boltinn framhjá.

FH vinnur boltann og keyrir af stað í sókn. Vuk Oskar fær boltann og lætur vaða en boltinn beint á Schram.

Adam Ægir fær boltann og á skot fyrir utan teig en boltinn yfir.

Valsmenn að reyna og reyna en eru ekki að ná að setja boltann í netið. FH að verjast gríðarlega vel.

Sigurður Egill fær boltann og reynir fyrirgjöf en boltinn í Davíð og afturfyrir.

Birkir Már fær boltann og gefur boltann inn á teiginn og Davíð Snær setur hann í hornspyrnu.

Adam Ægir tekur hornspyrnuna og boltinn á Hólmar Örn sem skallar boltann framhjá.

Adam Ægir fær boltann og á fyrirgjöf sem er alltof föst en Tryggvi Hrafn nær að halda boltanum í leik. Tryggvi leggur boltann á Birki sem finnur Hauk Pál fyrir utan sem nær skoti en boltinn rétt framhjá.

Þarna munaði ekki miklu!

Birkir Heimisson fær boltann fyrir utan teig og leggur hann til hliðar á Birki Má sem nær skoti en boltinn í varnarmann.

Adam Ægir fær boltann fyrir utan teig og nær góðu skoti en Sindri Kristinn ver.

Jóhann Ægir virðist í lagi sem betur ferv og leikurinn heldur áfram.

Birkir Heimisson fær boltann og leggur boltann út á Sigga Lár sem ætlar framhjá Ástbirni en boltinn af honum og í hornspyrnu.

Adam Ægir tekur hornspyrnuna og boltinn dettur fyrir Hauk Pál sem neglir boltanum í höfuðið á Jóhann Ægi sem steinliggur.

Kristinn Freyr finnur Adam Ægi til hægri sem á fyrirgjöf en Eggert Gunnþór tæklar boltann í burtu en Valsmenn halda boltanum og boltinn á Tryggva sem labbar inn á teig FH og chippar boltanum í átt Kidda Frey sem nær ekki skallanum.

Ástbjörn stendur á fætur og game on.

Vuk Oskar fær boltann á miðjum vallahelming Vals og keyrir af stað í átt að teig Vals, rennir boltanum til hliðar á Davíð sem reynir skot en boltinn í varnarmann Vals.

Birkir Már keyrir upp vænginn og fær boltasnn og á fyrirgjöf á Birki Heimisson sem hittir ekki boltann.

Síðari hálfeikurinn er farin af stað.

Andri Rúnar sparkar þessu aftur í gang.

Helgi Mikael flautar til hálfleiks. Valsmenn verið heilt yfir betri aðilinn hér í kvöld en FH náði inn mikilvægu marki rétt fyrir hálfleik og staðan jöfn.

Smá pása og svo seinni 45.

Klukkan slær 45 hér á Hlíðarenda og tvær mínútur í uppbótartíma.

Orri Hrafn fær boltann og finnur Tryggva Hrafn inn í gott hlaup en Ástbjörn með góða vörn og er á undan Tryggva í boltann.

Valsmenn vilja víti.

Sigurður Egill fær boltann út til vinstri og finnur Orra inn á teignum og Orri vinnur hornspyrnu.

Adam Ægir fær boltann fyrir utan teig og finnur Orra Hrafn sem finnur Tryggva Hrafn sem nær skoti en boltinn í Jóhann Ægi og afturfyrir.

Tryggvi Hrafn fær boltann út til hægri og finnur Andra Rúnar inn á teig FH sem leggur hann út á Adam Ægi sem nær skoti en boltinn í Jóhann Ægi.

Kristinn Freyr fær boltann innfyrir frá Orra en nær ekki að setja boltann í netið úr þröngri stöðu og boltinn í hliðarnetið.

Davíð Snær fær boltann út til vinstri og á fyrirgjöf inn á teig Vals en Elfar Freyr skallar boltann í burtu.

Adam Ægir fær boltann fyrir utan teig og lætur bara vaða en boltinn réttyfir.

Þú skorar ekki nema skjóta.

Valsmenn eru að sundur spila FH hérna sem endar með að Siggi Lár fær boltann upp í horn vinstra megin og á fyrirgjöf en Sindri Kristinn grípur boltann.

Hlynur Freyr með frábæran bolta inn á teiginn á Tryggva Hrafn ne Jóhann Ægir með góðan varnarleik.

Davíð Snær kemur boltanum inn í teig í átt að Kjartani Henry en boltinn af Hólmari Erni og í hornspyrnu og FH vinnur aðra strax í kjölfarið sem verður ekkert úr.

Úlfur Ágúst fær boltann við teig Vals og rennir boltanum út á Davíð Snæ sem nær skoti en boltinn framhjá.

Valsmenn fá hornspyrnu.

Tryggvi Hrafn tekur spyrnuna en Sindri Kristinn kýlir boltann frá.

Leikurinn byrjar rólega hér á Hlíðarenda. Valsmenn halda þó meira í boltann.

FH lyftir boltanum upp og Hólmar Örn fer upp í skallan og Úlfur fer með olnbogan beint í andlit Hólmars.

Þetta var ekki huggulegt en sem betur fer í lagi með Hólmar.

Helgi Mikael flautar til leiks. FH byrjar með boltann og sækir í átt að Perlunni.

Besta deildastefið er komið á og Daníel Frans vallarþulur Valsmanna býður áhorfendur velkomna og byrjar að kynna lið kvöldsins.

Góða skemmtun!

Það er nóg að gera hjá okkur á Fótbolta.net í kvöld og við erum með menn á öllum völlum.

föstudagur 2. júní
18:00 Stjarnan-KA (Samsungvöllurinn)
19:15 Breiðablik-Víkingur R. (Kópavogsvöllur)
19:15 Fram-Keflavík (Framvöllur)
19:15 Valur-FH (Origo völlurinn)

Baldvin Már Borgarsson, aðstoðarþjáfari Ægis er spámaður minn fyrir kvöldið og hann spáir 3-1 heimasigri Vals.

,,3-1 Valur. Besti leikmaður deildarinnar heldur uppteknum hætti frá því að hann saltaði Víkingana og skorar aftur tvö ásamt því að leggja upp eitt.



Tryggvi Hrafn skorar aftur tvö samkvæmt Baldvini Má.

Arnar Grétarsson þjálfari Vals gerir eina breytingu frá sigrinum í Víkinni. Adam Ægir Pálsson kemur inn í liðið fyrir Guðmund Andra Tryggvason sem er ekki í hóp í kvöld en hann fór meiddur af velli snemma leiks gegn Víking. Tryggvi Hrafn Haraldsson er á sínum stað í liði Vals en hann var magnaður gegn Víking í síðustu umferð.

Heimir Guðjónsson þjálfari FH gerir einnig eina breytingu á liði sínu frá sigrinum gegn HK. Kjartan Henry kemur inn fyrir nafna sinn Kjartan Kári Halldórsson sem er utan hóps hjá FH í dag.



Guðmundur Andri Tryggvason er meiddur.

Tryggvi Hrafn Haraldsson var valinn sterkasti leikmaður 9.umferðar Bestu deidlar karla af Innkastinu en hann átti algjöran stórleik þegar hann skoraði tvö mörk og lagði upp eitt í 3-2 sigri Vals á Víkingum.

„Tryggvi var frábær í þessum leik, er með frábæra hæfileika. En hann er svolítið on og off, var „skúrkurinn" á móti Keflavík þar sem hann klúðraði svakalegu færi. En hann var gjörsamlega stórkostlegur í þessum leik," sagði Elvar Geir í Innkastinu á Fótbolta.net

Tryggi Hrafn hefur verið mikið á bekknum það sem af er móts og gera má ráð fyrir því að hann verði í byrjunarliðinu hjá Arnari Grétarssyni í kvöld.

„Samkeppnin er mikil og ég er búin að vera mikið á bekknum sem maður er ekkert sérstaklega sáttur við og finnst ég vera búin að vera delivera þegar ég kem inná. Það er gott að ná byrjunarliðsleik og skila tveimur mörkum og stóðsendingu." sagði Tryggvi Hrafn eftir leikinn gegn Víking.

Helgi Mikael Jónasson fær það verkefni að sjá til þess að allt fari vel fram á vellinum hér í kvöld. Helgi verður með þá Egil Guðvarð Guðlaugsson og Ragnar Þór Bender sér til aðstoðar. Fjórði dómari leiksins er Guðmundur Páll Friðbertsson

Fimleikafélag Hafnarfjarðar situr fyrir leik kvöldsins í fimmta sæti deildarinnar með 16.stig og er liðið með markatöluna 19:18. FH kemur inn í þennan leik í kvöld með tvo góða sigra á ÍBV og HK á bakinu.

Valur kom sér aftur inn í toppbaráttu deildarinnar eftir frábæran 3-2 sigur á Víkingum í síðustu umferð en sá leikur fór fram á heimavelli hamingjunnar. Liðið situr fyrir leik kvöldsins í öðru sæti deildarinnar með 22.stig.

Gott og gleðilegt kvöldið kæru lesendur og verið hjartanlega velkomin með okkar í beina textalýsingu frá Hlíðarenda þar sem Valur tekur á móti FH í 10.umferð Bestu deildarinnar.

Friday night football!