SKÝRSLAN: Víkingsvélin mallar inn stigum
Hvað réði úrslitum?
Víkingar stýrðu leiknum og ef litið er á heildarmyndina þá sigruðu þeir leikinn nokkuð sanngjarnt en það skal þó ekki tekið af Fylki að þeir voru hættulegir á breikinu og alls ekki langt frá því að ná þessu í jafntefli.
Bestu leikmenn
1. Ingvar Jónsson
Markverðir beggja liða voru frábærir í kvöld. Ingvar klárlega bjargar því að Víkingur fari með öll þrjú stigin heim í kvöld og verðskuldar fyrir það MOTM. Hefur verið frábær á þessu tímabili.
2. Pablo Punyed
Bjargaði Stýrði spili Víkinga eins og kóngur á miðjunni. Mikil þolinmæðisvinna að stýra spilinu og fannst Pablo gera það frábærlega í kvöld.
Atvikið
Fylkismenn í stórsókn og nálægt því að jafna leikinn og fá horn. Henda öllu fram en hættan við það er alltaf að þá er allt opið tilbaka og Víkingar skora þriðja markið þægilega.
Hvað þýða úrslitin?
Víkngar eru með 8 stiga forskot á toppi deildarinnar en Valsmenn sem sitja í 2.sæti eiga þó leik til góða. Fylkismenn félli niður fyrir rauðu línuna eftir umferðina og sitja í fallsæti.
Vondur dagur
Ég get ekki sett neinn í þennan flokk í dag. Allavega enginn sem poppar upp í hugan sem ætti heima hér í fljótu bragði, fannst eins og þessi leikur sýndi flest af því besta hjá öllum.
Dómarinn - 7
Solid 7. Fannst hann og hans teymi dæma þetta bara nokkuð vel. Auðvitað eitt og eitt atriði sem hægt væri að pikka út en ekkert sem hefði haft áhrif á leikinn. Stór ákvörðun að dæma ekki víti fyrir Fylki í síðari hálfleik en hefði verið virkilega strangt að dæma á það m.v. endursýningu svo ég tel það sem heppnaða ákvörðun þó svo ég skilji alveg Fylkismenn sem vildu fá vítið en að mínu mati var þetta réttur dómur.