SKÝRSLAN: Breiðablik með tímabundna þriggja stiga forystu
Hvað réði úrslitum?
Breiðablik voru yfir Keflavík í öllu, Keflavík stóð sig samt vel gegn sterku Breiðabliks liði í fyrri hálfleik. Í þeim seinni, og þá sértaklega eftir annað mark Breiðabliks, slöknaði alveg neistinn hjá Keflavík.
Bestu leikmenn
1. Agla María Albertsdóttir
Átti tvær frábærar fyrirgjafir og var flott allan leikinn í dag. Að mínu mati best í þessum leik
2. Katrín Ásbjörnsdóttir
Skoraði tvö mörk í leiknum og var spræk alla leikinn. Var þó tekin útaf á 65. mínútu og fékk ekki að reyna á þrennuna.
Atvikið
Fyrsta mark Breiðabliks var mjög fallegt að horfa á. Hafrún með klobba, Agla með frábæra fyrirgjöf og sdvo slúttið hjá Katrínu, algjör gæði þar á ferð!
Hvað þýða úrslitin?
Breiðablik hledur áfram í efsta sæti deildarinnar og er tímabundið þrjú stigum fyrir ofan Val, sem spila leik sinn á morgun. Keflavík liggur en í 7. sæti deildarinnar með 12 stig.
Vondur dagur
Þetta var alls ekki sértakur seinni hálfleikur hjá Keflavík. Framherjarnir náðu ekki að nýta sín færi. Mér fannst eini leikmaður Keflavíkur sem átti góðan leik var Vera Varis í marki Keflavíkur, enda var hún frábær í dag.
Dómarinn - 8
ÞÞÞ og teymið hans dæmdu mjög vel í dag. Það var lítið af brotum og töfum í leiknum, en hvernig Þórður leyfði leiknum að fljóta eins og hann gerði var mjög flott. Það sést samt vel að það gerðist ekki mikið alvarlegt, aðeins eitt gult spjald fór á loftið í þessum leik