SKÝRSLAN: Þróttur vann Stjörnunna í hörkuleik
Hvað réði úrslitum?
Fyrsta mark Þróttar var frábært einstaklingsframtak hjá Kötlu Tryggvadóttur. Leikurinn var jafn framan af en Þróttarar nýttu stöður sínar betur og uppskáru stigin þrjú.
Bestu leikmenn
1. Katla Tryggvadóttir
Gríðarlega efnileg og var með frábært mark í dag þar sem hún fór illa með Gunnhildi Yrsu. Er mjög beinskeytt og kraftmikil og hikar ekki að keyra á vörninna.
2. María Eva Eyjólfsdóttir
Steig varla feilspor í leiknum og fátt sem komst framhjá henni í dag. Bakverðir fá oft ekki eins mikla athygli en María Eva á það skilið eftir frammistöðuna í dag.
Atvikið
Á 47. mínútu átti varamaðurinn Snædís María skot í slá. Ef það skot hefði farið inn hefði það breytt leiknum mikið og staðan kannksi verið önnur.
Hvað þýða úrslitin?
Þróttur tyllir sér upp í 3. sæti á kostnað Þórs/KA en þær eiga inni einn leik. Stjarnan situr enn í 6. sæti eftir tapið og þær hljóta að ætla sér hærra.
Vondur dagur
Erfitt að velja eftir jafnan leik enn Málfríður Erna hefur átt betri leiki í vörninni hjá Stjörnunni. Reynsluboltinn fékk tvö mörk á sig og var með nokkrar misheppnaðar sendingar úr vörninni.
Dómarinn - 8
Heilt yfir átti Guðmundur Páll fínan leik. Ég tók varla eftir honum sem hlýtur að vera jákvætt.