Bjarni Guðjón snýr aftur eftir leikbann Miðjumaðurinn frá Akureyri var í banni í síðasta leik.

Tveir snúa aftur í liðið

Ólafur Ingi Skúlason, þjálfari U19 landsliðsins, gerir tvær breytingar á liði sínu fyrir leikinn gegn Grikklandi í kvöld.

Ísland gerði 1-1 jafntefli við Noreg á föstudag og frá þeim leik koma þeir Guðmundur Baldvin Nökkvason og Bjarni Guðjón Brynjólfsson inn í liðið.

Þeir Gísli Gottskálk Þórðarson og Róbert Frosti Þorkelsson taka sér sæti á bekknum. Þar er einnig Þorsteinn Aron Antonsson sem meiddist í fyrsta leik gegn Spáni og lék ekki með gegn Noregi.

Báðir leikirnir í riðlinum eru á sama tíma. Við munum því líka fjalla um það hvernig staðan verður í leik Spánar og Noregs í þessari textalýsingu.

Sá sem þarf að varast í gríska liðinu Verðmætasti og yngsti leikmaðurinn í hópi Grikklands á þessu móti er Stefanos Tzimas, fæddur 2006, en hann leikur fyrir PAOK og er hann því liðsfélagi Sverris Inga Ingasonar. Hann er nú þegar búinn að spila sjö leiki fyrir aðallið PAOK og skorað eitt mark en hann hefur líka verið einmitt heitur fyrir U19 ára landslið Grikkja.

Þetta mark verður aldrei þreytt Íslenska liðið var sex mínútum frá því að falla úr leik í síðustu viku, en Eggert Aron Guðmundsson skoraði mark sem kom í veg fyrir það. Markið er það besta á mótinu til þessa, og það verður betra með hverju áhorfi.

EGGERT ARON GUÐMUNDSSON ????????(2004) WITH A SENSATION COAST TO COAST GOLAZO FOR THE EQUALIZER!!!#U19Euro pic.twitter.com/75fXKIRbYC

— Football Report (@FootballReprt) July 7, 2023

Grikkir hafa átt verulega slæmt mót Grikkland hefur litið skelfilega út á þessu móti. Liðið er búið að lenda 3-0 undir eftir 17 mínútur í fyrstu tveimur leikjunum gegn Noregi og Spáni, og varnarleikur liðsins hefur verið algjörlega skelfilegur. Liðið á ekki möguleika á því að komast áfram fyrir leik kvöldsins.

Það er þó ekkert vanmat hjá okkar mönnum.

"Þetta hafa verið skrítnir leikir hjá þeim. Þeir fengu á sig eitt mark í milliriðlinum og voru þétt lið, öflugt varnarlega. Þeir hafa lent í basli í byrjun leikja, og sérstaklega í Noregsleiknum þar sem þeir voru sjálfum sér verstir. Grikkir væru ekki hérna ef þeir væru ekki góðir í fótbolta, þeir eru mjög öflugt lið og við verðum að eiga okkar allra besta leik," sagði Ólafur Ingi Skúlason, þjálfari Íslands, fyrir leik kvöldsins.

How not to defend by Greece U19#U19Euro pic.twitter.com/40edgHYJRR

— Football Report (@FootballReprt) July 4, 2023

Viðtöl frá því í gær Íslenska liðið æfði í hitanum á Möltu í gær. Undirritaður tók þrjú viðtöl en hér fyrir neðan eru tenglar á þau.

Ólafur Ingi: Mikilvægt að strákarnir fengu að hitta fjölskyldumeðlimi
Róbert Frosti léttur: Búið að gerast fjórum eða fimm sinnum í dag
Jói Bjarna: Ég gjörsamlega skóla þá í FIFA


Róbert Frosti Þorkelsson.

Það sem þarf að gerast í kvöld Í kvöld þarf það fyrst og fremst að gerast að Ísland vinni Grikkland og að Spánn vinni Noreg. Það yrði samt að öllum líkindum ekki nóg ef Ísland vinnur með einu marki og ef Noregur vinnur með einu marki því Norðmenn hafa skorað mun fleiri mörk. En ef Noregur tapar með tveimur eða meira og Ísland vinnur með einu í kvöld þá fer Ísland áfram, eða ef Ísland vinnur með tveimur eða meira og Noregur tapar með einu þá fer Ísland áfram líka.

Þetta gæti ráðist á háttvísisstigum, sem sagt á gulum og rauðum spjöldum. Liðin þurfa þá að enda með sömu markatölu og sama fjölda stiga. Það gerist til dæmis ef Ísland vinnur 4-3 í kvöld og Noregur tapar 1-0. Eins og staðan er núna þá færi Noregur þá áfram með færri spjöld.

Sú hættulega staða er uppi að Spánn og Noregur verði bæði sátt með stigið. Spánn þarf bara eitt stig til að vinna riðilinn og Noregur þarf bara eitt stig til að fara áfram. Það er ekki góð staða fyrir okkur Íslendinga en vonandi gefa Spánverjar allt í sinn leik í kvöld. Báðir leikirnir fram fram á sama tíma og hefjast klukkan 21:00.

Ef Ísland fer áfram, þá er ljóst að liðið mun mæta Portúgal í undanúrslitum.

Staðan í riðlinum Svona er staðan fyrir leiki kvöldsins:
1. Spánn - 6 stig (7-1 í markatölu)
2. Noregur - 4 stig (6-5 í markatölu)
3. Ísland - 1 stig (2-3 í markatölu)
4. Grikkland - 0 stig (4-10 í markatölu)

Að duga eða drepast Það eru þrjú lið komin í undanúrslit á Evrópumóti U19 landsliða á Möltu. Ítalía tryggði sér sæti í undanúrslitunum með jafntefli gegn Póllandi í gær en þar áður voru Spánn og Portúgal búin að tryggja sér sæti á næsta stigi keppninnar.

Í kvöld kemur það svo í ljós hvert fjórða og síðasta liðið í undanúrslitin verður.

Það eru tvær þjóðir sem koma til greina: Ísland og Noregur.

Vonandi munum við fagna eins og Ítalir á morgun ????

Þrjú lið komin í undanúrslit: ????????????????????????

Annað hvort ???????? eða ???????? tekur síðasta lausa sætið annað kvöld! pic.twitter.com/DfTmKTeN9D

— Guðmundur Ásgeirsson (@gummi_aa) July 9, 2023

Verið velkomin! Góðan daginn kæru lesendur og verið velkomin í beina textalýsingu frá leik Íslands og Grikklands á Evrópumóti U19 landsliða á Möltu.