SKÝRSLAN: Ólafur Kristófer kom í veg fyrir sigur HK í kvöld
Hvað réði úrslitum?
Þetta var leikur tveggja hálfleika í Árbænum í kvöld. Fylkir voru betri í þeim fyrri og fékk liðið nokkrar mjög góða sénsa til að komast yfir. HK komu öflugir til leiks í síðari hálfleik og má segja tóku yfir leikinn og fengu tvö dauðafæri undir lokin til að sækja öll þrjú stigin en Ólafur Kristófer sá til þess að svo gerðist ekki.
Bestu leikmenn
1. Ólafur Kristófer Helgason (Fylkir)
Ólafur Kristófer var mjög öruggur í öllu sínum aðgerðum í kvöld. Var öruggur í teignum þegar HK lyfti boltanum inn á teiginn og Ólafur átti síðan tvær vörslur á 90.mínútu og bjargaði í raun stigi fyrir Fylki.
2. Ragnar Bragi Sveinsson (Fylkir)
Ragnar Bragi var mjög flottur í kvöld inn á miðsvæðinu hjá Fylki. Tók þátt í sóknarleik Fylkis í fyrri hálfleik ásamt því að sinna varnarvinnu sinni vel í síðari hálfleik.
Atvikið
Skalli Örvars Eggertssonar undir lokin þegar Marciano Aziz lyfti boltanum inn á teiginn á Örvar sem var aleinn en náði ekki að stýra boltanum í netið.
Hvað þýða úrslitin?
Bæði liðin fá plús einn á töfluna. Fylkir er áfram í fallasæti og er liðið með 13.stig. HK kemur sér upp um eitt sæti og situr núna í því sjötta með 18.stig.
Vondur dagur
Færa nýting beggja liða - Bæði liðin fengu færin í kvöld en hvorugu liðinu tókst að skora og fær það þennan dálk í kvöld.
Dómarinn - 7.5
Erlendur Eiríksson og hans menn skiluðu verkefninu sínu vel frá sér í kvöld mundi ég segja.