Góður sigur Íslands í baráttuleik. Margt sem gekk betur en gegn Finnum á dögunum en annað sem má bæta fyrir komandi undankeppni. Við þökkum samfylgdina í kvöld.

Mínúta eftir og fátt sem bendir til þess að sigurinn sé ekki á leið til Íslands

Amanda í skotfæri eftir snarpa sókn en setur boltann framhjá markinu.

Uppbótartíminn er að minnsta kosti fjórar mínútur.

Hafrún í fínni stöðu úti til hægri eftir skyndisókn Íslands. Velur að setja boltann strax fyrir sem heimakonur ráða auðveldlega við. Hafði meiri tíma og hefði getað beðið eftir liðsfélögum inn á teiginn.

Talsvert dregið af íslenska liðinu. Lítið tekist að halda í boltann síðustu mínútur og pressa heimakvenna að þyngjast.

Heimakonur fá aukaspyrnu á prýðisstað til fyrirgjafar. Cecilía með þetta allt á hreinu og grípur fyrirgjöfina

Korter eftir af venjulegum leiktíma hér. Kalla eftir smá krafti í sóknarleikinn þetta síðasta korter.

Vatnspása taka tvö. Næ mér sjálfur í kaffibolla á meðan.

Stál í stál er hægt að nota til að lýsa þessum leik síðustu mínútur. En laglegir taktar inn á milli.

Komumst upp völlinn hægra megin. Sveindís finnur Diljá í teignum sem reynir að setja boltann í hornið fjær en boltinn rúllar rétt framhjá stönginni.

Cecilía ver á ný. Laura Feiersinger með skotið

Marie-Therese Höbinger með skot sem Cecilía slær yfir slánna. Heimakonur fá horn.

Sleppur ein í gegn en missir boltann aðeins frá sér, nær honum þó og reynir að vippa boltanum yfir Zinsberger í markinu. Nær því en boltinn hárfínt framhjá stönginni.

Ísland gerði fleiri breytingar í hálfleik og er Gunnhildur Yrsa til að mynda á vellinum. Austurrísku sjónvarpsmennirnir eru lítið að stressa sig á því að færa það til bókar en ég reyni að átta mig á hverjar viku af vellinum.

Sveindís Jane í fínni stöðu í teignum eftir sprett en nær ekki að finna samherja í teignum.

Íslenska liðið hefur leik í þessum síðari hálfleik.

Jöfnum fyrri hálfleik lokið. Hvorugt lið getur sagst hafa haldið stjórn á leiknum í þessum fyrri hálfleik sem hefur verið helst til lokaður. Vonumst eftir ögn meiri krafti í sóknarleik Íslands í síðari hálfleik því tækifærin eru svo sannarlega til staðar.

Cecilía með alvöru vörslu! Barbara Dunst með hörkuskot af löngu færi en Cecilía með þetta allt í teskeið og skutlar sér á boltann og ver.

+2 Heimakonur lítið skapað af færum í teig Íslands það sem af er. Þeirra helsta ógn hefur verið með skotum utan af velli. Varnarleikurinn verið góður heilt yfir hjá stelpunum líkt og ráða má útfrá þvú

Uppbótartími er að minnsta kosti fjórar mínútur. Vatnspása á þar drjúgan skerf.

Karólína Lea velur að skjóta úr aukaspyrnunni en setur boltann víðsfjarri markinu.

Selma Sól með skot eftir fína sókn Íslands. Boltinn af varnarmanni og í horn. Dapurt horn siglir yfir teiginn og í innkast.

Íslenska liðið heldur fallið aftur á völlinn og verið í vandræðum með uppspilið síðustu mínútur. Smá ró á boltann á ný og ná tökum á leiknum á ný.

Frábært skot af 25-30 metrum eftir smá pressu Austuríkis. Boltinn flýgur í átt að marki og virðist stefna í netið en sem betur fer smellur hann í stönginni. Heppnin með okkur þarna.

Bæði lið verið að skapa sér þokkalegar stöður en verið að klikka á þessari margfrægu lokasendingu til að skapa sér afgerandi færi.

Síðustu mínútur verið rólegar, leikurinn í járnum svo að segja.

Spænski dómarann flautar hér og stöðvar leikinn svo leikmenn geti fengið sér vatn. Þjálfarar beggja liða nýta tækifærið og fara yfir málin. Þessar fyrstu 25 hafa verið ágætar hjá Íslenska liðinu en mikill vill meira segir máltækið og ég held að stelpurnar eigi 1-2 gíra inni.

Viktoria Pinther með skot úr D-boganum sem að Cecilía kastar sér á og heldur. Heimakonur heldur að vinna á.

Varamaðurinn Schasching með hættulegan bolta fyrir markið frá hægri. Sem betur fer engin rauð treyja mætt á endan á henni. Heimakonur halda pressunni og enda sóknina með skoti sem fer þó vel yfir.

Austurríki í miklum vandræðum með vinstri væng íslenska liðsins og fer meirihluta sókna okkar upp þar.

Sveindís fær sér sæti í grasinu eftir laglega sókn íslenska liðsins. Kallar eftir aðstoð af bekknum. Sýndist þetta hafa verið hné í hné og vona að svo sé.

Langur bolti upp í hornið á Sveindísi sem keyrir inn á teiginn, leggur boltann á Karólínu sem mætir í hlaupið en Zinsberger snögg niður og ver í horn.

Sarah Puntigam í skotfæri eftir að Ísland tapar boltanum á hættulegum stað. Vel yfir þó

Kraftur í stelpunum í byrjun. Sveindís leggur boltann á Selmu sem lætur vaða af 20 metrum. Zinsberger í marki Austurríkis vel staðsett og ver en nær ekki að halda boltanum. Varnarmenn þó fyrstir a boltann og hreinsa.

Myndtruflanir að gera okkur lífið leitt hér í upphafi. Vonum að vinir okkar hjá Sjónvarpi Símans kippi því í liðinn með kollegum sínum frá Austurríki.

Sveindís Jane vinnur aukaspyrnu í ágætri fyrirgjafarstöðu.

Þetta er farið af stað. Það eru heimakonur sem hefja hér leik. Áfram Ísland!

Styttist óðum í að leikurinn hefjist á Wiener Neustadt Arena. Ég vonast eftir því að stelpurnar nái upp betri leik sóknarlega í dag en gegn Finnum á dögunum og sýni okkur hvað í þær er spunnið þar. Þetta Austuríska lið er samt hörkuandstæðingur og hafa verið að ná fínum árangri á undanförnum árum þó þær hafi misst af sæti á HM í þetta sinn.

Mit dieser Startelf gegen Island! ???????? Viel Erfolg, Mädels! ???? #GemeinsamÖSTERREICH pic.twitter.com/coHWCTbXW3

— ÖFB - oefb.at (@oefb1904) July 18, 2023

Þorsteinn Halldórsson gerir fjórar breytingar frá leiknum gegn Finnlandi á föstudag. Cecilía Rán Rúnarsdóttir ver mark liðsins, Arna Sif Ásgrímsdóttir kemur inn í vörnina, Hildur Antonsdóttir byrjar á miðsvæðinu og Diljá Ýr Zomers kemur inn í fremstu línu. Agla María Albertsdóttir, Telma Ívarsdóttir, Anna Björk Kristjánsdóttir og Svava Rós Guðmundsdóttir setjast á bekkinn.

???????? Byrjunarlið A-landsliðs kvenna gegn Austurríki.
? Kl. 17:45 á Wiener Neustadt ERGO vellinum.
???? Leikurinn er í beinni á Sjónvarpi Símans.#dottir pic.twitter.com/KSEQXgPkI0

— Knattspyrnusambandið (@footballiceland) July 18, 2023

KSÍ lætur eitthvað bíða eftir sér í því.

Eina viðureign þessara liða var í lokaumferð riðlakeppninnar á EM 2017 þar sem Austurríki vann 3-0 sigur.

KSÍ TV ræddi við Elísu Viðarsdóttur fyrir leik A landsliðs kvenna gegn Austurríki á þriðjudag.#dottir pic.twitter.com/I7aNMfNNSo

— Knattspyrnusambandið (@footballiceland) July 17, 2023

KSÍ TV ræddi við Þorstein Halldórsson þjálfara A landsliðs kvenna fyrir leik liðsins gegn Austurríki á þriðjudag.#dottir pic.twitter.com/47VdARvqtU

— Knattspyrnusambandið (@footballiceland) July 17, 2023

Berglind Rós Ágústsdóttir skoraði á föstudag sitt fyrsta landsliðsmark á ferlinum. Markið skoraði hún með skalla eftir aukaspyrnu Karólínar Leu Vilhjálmsdóttur. Markið kom á 68. mínútu og minnkaði Ísland muninn í 1-2 með markinu. Það urðu svo lokatölur leiksins en landsliðið undirbýr sig núna fyrir vináttulandsleik gegn Austurríki sem fram fer ytra á morgun. Ásamt því að vera fyrsta landsliðsmark Berglindar var það hennar fyrsta skallamark á ferlinum. Berglind var til viðtals eftir leikinn og hún var spurð út í markið. „Ég er ánægð með markið. Ég hlakka til að sjá það aftur, mig langaði rosalega að (skora), mér fannst eins og ég þyrfti að bæta upp fyrir annað markið. Þetta er fyrsta skallamarkið á ferlinum, mjög gaman. Geggjuð aukaspyrna frá Karólínu, bara beint á kollinn á mig og ég þurfti ekki voða mikið að gera. Geggjað að fá þannig spyrnur þar sem maður þarf bara að snerta boltann," sagði Berglind um markið.

Fyrsta mark Berglindar Rósar fyrir landsliðið kemur úr efstu hillu!????#dottir pic.twitter.com/q1z2rEFk8L

— Knattspyrnusambandið (@footballiceland) July 17, 2023

Kvennalandsliðið mætir Austurríki í vináttulandsleik kl. 17:45 á Wiener Neustadt ERGO Arena í Austurríki. Er þetta annar vináttuleikur liðsins á stuttum tíma. Ísland tapaði 2-1 fyrir Finnlandi á Laugardalsvelli á föstudag sem Berglind Rós Ágústsdóttir skoraði mark Íslands. Ísland - Austurríki verður sýndur í beinni útsendingu og opinni dagskrá á Sjónvarpi Símans.