SKÝRSLAN: Luke Rae tryggði KR dýrmætan sigur í lokin
Hvað réði úrslitum?
KR-ingar áttu hættulegri færi heilt yfir í dag og þeim tókst að skora úr einu slíku. FH-ingar geta nagað sig í handarbökin að klúðra víti skömmu áður
Bestu leikmenn
1. Simen Lillevik Kjellevold
Hrikalega flottur í dag. Kórónaði það að verða maður leiksins þegar hann varði víti og svo frákast af vítinu í stöðunni 0-0.
2. Luke Rae
Set þetta á Luke þó hann hafi bara spilað 10 mínútur. Kom inn af krafti og skoraði þetta dýrmæta sigurmark í lokin.
Atvikið
Annaðhvort þegar Simen varði víti eða þegar Luke Rae skoraði í lokin. Svo má líka minnast á utanvallar atvikið þegar Kjartan Henry, nú leikmaður FH, afþakkaði það að vera heiðraður af KR fyrir leik.
Hvað þýða úrslitin?
Liðin hafa sætaskipti í deildinni. KR í 4. sæti með 22 stig en FH sæti neðar með einu stigi minna. FH á þó leik til góða.
Vondur dagur
Það er magakveisa að ganga í KR liðinu sem fær pláss hér í vondum degi. Bæði Jóhannes Kristinn Bjarnason og Olav Öby verið veikir í dag og gátu ekkki verið með. KR-ingar brugðu á það ráð að rífa fram sprittbrúsana sem voru talsvert meira notaðir hérna fyrir ári eða svo. Rúnar talaði um smá hópsýkingu í viðtali eftir leikinn. Einhverjar sögur eru um að það hafi verið eftir mat sem liðið borðaði saman en það er ekkert staðfest í þeim efnum.
Dómarinn - 8,5
Sigurður Hjörtur var virkilega góður í dag og með stóru ákvarðanirnar alveg upp á 10.