Fyrri leikur liðanna Fyrri leikur liðanna í Þorlákshöfn var dramatískur þar sem Fjölnir skoraði sigurmark úr vítaspyrnu í blálokin. Bjarni Gunnarsson skoraði úr spyrnunni.

Ekki tapað á heimavelli Fjölnir hefur ekki enn tapað heimaleik í deildinni í sumar, tveir sigrar og þrjú jafntefli.

Liðin eru bæði á fullu í upphitun. Fjölnismenn sigurstranglegri fyrir þennan leik en Ægismenn hafa sýnt að þeir geta strítt flestum liðum í þessari deild.

Fjölnir á tvo fulltrúa í liði fyrri hlutans Fótbolti.net valdi úrvalslið fyrri hluta Lengjudeildarinnar en þar eru það efstu lið deildarinnar sem eiga fulltrúa. Valið var opinberað í Innkastinu.

Flestir fulltrúar í ellefu manna byrjunarliðinu koma úr Aftureldingu eða alls sex talsins. Fjölnir og ÍA eiga tvo hvort lið og þá kemur einn frá Gróttu.

Sigurjón Daði Harðarson og Hans Viktor Guðmundsson eru fulltrúar Fjölnis í liðinu.


Sigurjón Daði Harðarson.

Byrjunarliðin klár! Búið er að opinbera fyrir þennan áhugaverða slag.

Fjölnir gerir fimm breytingar frá síðasta leik sínum gegn Þrótti og Ægismenn gera tvær breytingar.

Hjá Fjölni koma Óliver Dagur Thorlacius, Bjarni Gunnarsson, Daníel Ingvar Ingvarsson, Vilhjálmur Yngvi Hjálmarsson og Máni Austmann Hilmarsson inn í byrjunarliðið fyrir Sigurvin Reynisson, Bjarna Þór Hafstein, Dofra Snorrason, Hákon Inga Jónsson og Guðmund Karl Guðmundsson.

Hjá Ægi koma Anton Breki Viktorsson og Braima Cande inn í liðið fyrir Baldvin Þór Berndsen og Hrvoje Tokic.


Guðmundur Karl er ekki með Fjölnismönnum í kvöld þar sem hann er í leikbanni.

Tokic farinn Það voru tíðindi af Ægi í vikunni því Hrvoje Tokic er búinn að yfirgefa félagið.

Tokic gekk til liðs við nýliða Ægis fyrir tímabilið en hann kom við sögu í átta leikjum og skoraði tvö mörk. Hann skoraði í síðasta leiknum sínum fyrir liðið þegar Ægir vann botnslaginn gegn Njarðvík.

Ægir tilkynnti á dögunum að liðið hefði náð í David Bjelobrk, sem er serbneskur sóknarmaður.

Dómari frá Noregi Erlendir dómarar verða að störfum á tveimur leikjum í Lengjudeild karla í gegnum norrænt skiptidómaraverkefni hjá KSÍ.

Á hverju ári koma erlendir dómarar hingað til lands og dæma og að sama skapi fara íslenskir dómarar út og dæma leiki í erlendum deildum.

Stian Sletner frá Noregi dæmir leikinn í Grafarvogi en annar af aðstoðardómurunum er landi hans, Karwan Mamhassan.

Lengjudeildin 2023 Lengjudeildin 2023
Það er mikil spenna víðast hvar á töflunni í Lengjudeildinni en tímabilið hefur farið mjög skemmtilega af stað. Svona lítur taflan út þegar 13. umferðin heldur áfram í kvöld:

1. Afturelding - 32 stig (12 leikir)
------------------------------------
2. Fjölnir - 23 stig (12 leikir)
3. ÍA - 21 stig (11 leikir)
4. Leiknir - 17 stig (13 leikir)
5. Grótta - 16 stig (10 leikir)
------------------------------------
6. Grindavík - 15 stig (11 leikir)
7. Þróttur - 14 stig (13 leikir)
8. Þór - 14 stig (11 leikir)
9. Vestri - 13 stig (11 leikir)
10. Selfoss - 10 stig (10 leikir)
------------------------------------
11. Njarðvík - 8 stig (12 leikir)
12. Ægir - 7 stig (12 leikir)

Björn Axel spáir Björn Axel Guðjónsson, leikmaður Víkings Ólafsvíkur, spáir í leiki umferðarinnar í Lengjudeildinni. Ólsarar eru á toppi 2. deildar og stefna á að spila í Lengjudeildinni á næsta ári.

Fjölnir 3 - 0 Ægir
Hemmi Árna á mæknum sækir þessa punkta. Myndarlegasti leikmaður landsins Axel Freyr skorar. Fjölnir heldur svo hreinu með Sigurvin Reynis að halda miðjunni, engin betri í því.

Meiri trú hjá Ægi Það voru kannski einhverjir búnir að bóka Ægi niður fyrir nokkru síðan en liðið hefur verið að stíga upp og náð í tvo sigra í síðustu fjórum leikjum sínum. Eftir sigur gegn Njarðvík í síðasta leik er Ægir þremur stigum frá öruggu sæti og maður finnur fyrir því að það er meiri trú á verkefninu í Þorlákshöfn.

Einn sigur í síðustu fimm leikjum Fjölnismenn sitja í öðru sæti Lengjudeildarinnar en hafa aðeins unnið einn leik af síðustu fimm. Síðasti sigurleikur liðsins var gegn Leikni á heimavelli í byrjun þessa mánaðar.



Fjölnir missti niður tveggja marka forystu gegn Þrótti í síðasta leik og eftir það sagði Úlfur Arnar, þjálfari liðsins: "Þeir áttu þetta skilið, þetta kom ekkert á óvart. Við vorum að bíða eftir þessu í raun og veru allan seinni hálfleikinn. Við erum með leikinn í teskeið eftir þrjátíu, komnir í 2-0, svo bara hættum við. Ég hélt að við myndum ná að stjórna þessu betur í seinni hálfleik en við vorum bara ekki með í leiknum. Það eru gríðarleg vonbrigði að sjá þetta Þróttaralið vilja þetta miklu miklu meira en við. Ég er gríðarlega svekktur með liðið mitt í dag."

Góða kvöldið! Og verið velkomin í beina textalýsingu frá leik Fjölnis og Ægis í Lengjudeild karla.

Í beinni: