SKÝRSLAN: Hannah með fernu á Seltjarnarnesinu
Hvað réði úrslitum?
Hannah Abraham fór gjörsamlega á kostum í leiknum í dag! Hannah skoraði fjögur mörk í dag . Grótta var komið í 2-0 snemma leiks og hafði öll völd á vellinum í fyrri hálfleik. FHL komu grimmar út í seinni hálflekinn og byrjuðu með skoti í slánna. seinni hálfleikurinn var kaflaskiptur en leikurinn endaði 4-2. Sóknarlína Gróttu var geggjuð í dag.
Bestu leikmenn
1. Hannah Abraham
Þetta er alls ekki erfitt val. Hannah var gjörsamlega frábær í dag. Hún skoraði fernu og var bara lang besti leikmaður vallarsins. Hannah Abraham er nú orðin markahæst í deildinni og er komin með 15 mörk í sumar.
2. María Lovísa
María Lovísa var geggjuð á vinstri kantinum í dag. Hún skapaði helling af færum og var bara frábær í dag.
Atvikið
Natalie Cooke skoraði frábært mark í seinni hálfleik. Geggjað skot fyrir utan teig og boltinn söng í netinu.
Hvað þýða úrslitin?
Grótta er enn í 4. sætinu eftir leikinn í dag. Liðið er núna einungis tveimur stigum fyrir aftan HK.
FHL er í 8. sætinu og eru þar með 17 stig.
Vondur dagur
Bjarndís Diljá var í brasi í dag en hún fékk það erfiða verkefni að stoppa Hannah Abraham. Eins og fram hefur komið var Hannah algörlega frábær í dag og virkilega erfitt að hafa hemil á henni.
Dómarinn - 6
Ágúst átti erfiðan dag. Völlurinn rennandi blautur og helling af tæklingum. Hann spjaldaði ekki jafnt á báða bóga. Einnig voru nokkrir furðulegir rangstæðudómar í leiknum.