SKÝRSLAN: Vestri tekur stórt skref í átt að úrslitakeppni
Hvað réði úrslitum?
Heimamenn voru sterkari aðilinn í dag. Fjölnismenn náðu aldrei almennilegum takti og þetta var sanngjarn sigur. Takturinn í Vestra liðinu hins vegar afar góður og virðist liðið vera að toppa á réttum tíma.
Bestu leikmenn
1. Benedikt Waren
Síógnandi á vinstri kantinum og var viðloðandi flestar sóknir Vestra í dag. Kórónaði góða frammistöðu sín með marki sem kláraði leikinn.
2. Gustav Kjeldsen
Miðvörðurinn setti tvö mörk og var þar að auki afar sterkur í sinni stöðu að vanda.
Atvikið
Annað mark Vestra. Kom rétt fyrir hlé og gaf þeim kraft til að klára leikinn. Hefði verið svekkjandi fyrir þá að fara inn með jafna stöðu eftir sterkan fyrri hálfleik.
Hvað þýða úrslitin?
Vestri bjarga sér tölfræðilega frá falli en aðal málið er að þeir eru komnir í afar góða stöðu til að tryggja sér í umspilið. Fjölnismenn sitja áfram í þriðja sæti en liðin fyrir neðan nálgast þá.
Vondur dagur
Erfitt að taka einhvern einn út fyrir sviga hjá Fjölni. Sigurjón markvörður varði oft vel en annars var Fjölnisliðið ekki nógu gott í dag. Ekki margar góðar sóknir og oft mikið svæði fyrir heimamenn að sækja í.
Dómarinn - 6
Fannst línan hjá honum svoldið rokkandi. Flautað á lítið og augljósum brotum sleppt. Sá ekki nógu vel vítaspyrnudóminn sem Fjölnir fékk.