SKÝRSLAN: Víti eða ekki víti það er spurningin
Hvað réði úrslitum?
Skagamenn hófu leikinn af miklum krafti og skoruðu tvö mörk snemma. Hörku leikur í fyrri hálfleik en Skagamönnum tókst að loka vel á Þórsarana í þeim síðari og refsuðu með þriðja markinu sínu.
Bestu leikmenn
1. Viktor Jónsson
Magnaður leikmaður! Skorar fyrsta markið og klárar leikinn fyrir Skagamenn með því að leggja upp þriðja markið.
2. Johannes Vall
Þórsarar sóttu mikið á Johannes en hann lokaði mjög vel á þá auk þess að leggja upp fyrsta markið með glæsilegri sendingu. Indriði Áki vann líka hrikalega vel til baka og braut upp sóknir Þórs.
Atvikið
Víti eða ekki víti? eftir tæplega klukkutíma leik fór Árni Marinó markvörður ÍA harkalega í Alexander Má og Þórsarar vildu fá vítaspyrnu.
Hvað þýða úrslitin?
ÍA er með þriggja stiga forystu á toppi deildarinnar þegar aðeins tvær umferðir eru eftir. Þórsarar hins vegar í mikilli fallbaráttu, aðeins einu stigi frá fallsæti.
Vondur dagur
Það vantar oft á tíðum allt bit í sóknarleik Þórs og það sýndi sig í dag. Þetta var brekka eftir erfiða byrjun.
Dómarinn - 5
Fannst Þórsarar eiga fá vítaspyrnu þegar Árni fór í Alexander. Risastórt atvik í leiknum.