Liðin eru mætt í hús Eyjamenn gera eina breytingu á liði sínu frá sigrinum gegn HK.
Felix Örn Friðriksson er í leikbanni í liði ÍBV í dag og missir þar með af sínum fyrsta leik í sumar. Inn í hans stað kemur Arnór Sölvi Harðarson

Gestirnir úr Keflavík gera þá tvær breytinngar á byrjunarliði sínu frá tapinu gegn Fylki. Oleksii Kovtun og Stefan Alexander Ljubicic fara úr byrjunarliði þeirra milli leikja og inn í þeirra stað koma þeir Magnús Þór Magnússon og Ísak Daði Ívarsson.

Spáir ÍBV sigri, en samt falli
Elmar Atli Garðarsson, fyrirliði Vestra sem verður í Bestu deildinni á næsta tímabili, spáir í lokaumferðina.

ÍBV 3 - 1 Keflavík
Sérstakur leikur sem ÍBV klárar en úrslit annara leikja verða þeim óhagstæð. Fallnir Keflvíkingar mæta gíraðir til leiks en tapa samt og draga ÍBV niður með sér í Lengjudeildina.

Ókeypis á völlinn!

   06.10.2023 08:45

Frítt á mikilvægasta leik tímabilsins í Vestmannaeyjum

Hemmi Hreiðars: Þá veit ég að góðir hlutir gerast
Fótbolti.net ræddi við Hermann Hreiðarsson og spurði hann út í leikinn.

   05.10.2023 10:30

Fjögur lið geta fallið í lokaumferðinni - Nokkrar sviðsmyndir

„Mér líst vel á leikinn, við erum búnir að vera í fínu standi í síðustu leikjum og það er hugur í mannskapnum. Við vitum að þetta er allt galopið, erum að fara í Hásteinsvöll í lokaleik og menn munu tækla þetta með stæl," sagði Hemmi.

Fara Eyjamenn inn í leikinn með því hugarfari að vinna leikinn stórt? Þrjú stig duga liðinu einungis ef Fylkir tapar gegn Fram. Annars þarf ÍBV að vinna stórt.

„Nei, hugarfarið er fyrst og fremst að ná í þrjú stig. Það er ekkert sjálfgefið, við verðum að vera með hausinn á hárréttum stað og fylgja eftir góðum sigri á móti HK. Þá veit ég að góðir hlutir gerast."

Felix Örn Friðriksson tekur út leikbann í leiknum. Er einhver önnur breyting í kortunum á leikmannahópi ÍBV?

„Það eru nokkrir hjá okkur sem eru búnir að vera smá laskaðir. Það er ekki alveg ljóst með möguleikann á því að þeir geti spilað og verður það ekki ljóst fyrr en á leikdegi hvort að við náum að nýta þá eitthvað."

Keflvíkingar munu vilja enda tímabilið með sæmd
Keflavík er fallið og verður í Lengjudeildinni á næsta tímabili. Við hvernig Keflavíkurliði býst Hemmi?

„Þetta eru fótboltamenn eins og við og þeir munu spila upp á stoltið, vissulega gæti verið erfitt að gíra sig upp fyrir leikinn en menn reyna alltaf að standa sig vel og vera sjálfum sér til sóma. Við áttum okkur á því að þrátt fyrir að þeir séu fallnir þá munu þeir vilja enda tímabilið sem sæmd."

Munu fylgjast vel með hinum leikjunum
Munu Eyjamenn fylgjast með gangi mála á Akureyri og í Árbænum?

„Já, að sjálfsögðu. Við verðum með puttann á púlsinum á því hvernig dagurinn þróast úrslitalega séð. Við verðum að horfa á aðra leiki, þetta er ekki alfarið í okkar höndum."

Munu skilja allt eftir á Hásteinsvelli
Hvernig er stemningin í hópnum?

„Það er bullandi trú á þessu, við höfum aldrei misst trúna og í síðustu sjö leikjum erum við með einn tapaðan leik. Það er búinn að vera ágætis spilamennska og það er hugur í okkur. Það var mjög nærandi að fá góðan og lífsnauðsynlegan sigur á móti HK. Þetta er annar leikur sem er upp á líf og dauða. Við eigum eftir að leggja allt í sölurnar og rúmlega það; munum skilja allt eftir á Hásteinsvelli."

Vilja sýna að þeir eigi heima í efstu deild
Eru margir leikmenn að spila upp á sína framtíð hjá ÍBV?

„Já, það er engin spurning, þannig er bara staðan. Menn vilja sýna sig og sanna, að þeir eigi heima í liðinu og að þeir eigi heima í efstu deild," sagði Hemmi.

Dómari: Helgi Mikael Jónasson
Aðstoðardómarar: Egill Guðvarður Guðlaugsson Aðstoðardómari og Þórður Arnar Árnason.
Eftirlitsmaður: Frosti Viðar Gunnarsson.
Varadómari: Twana Khalid Ahmed.

Í banni Felix Örn Friðriksson getur ekki hjálpað sínum mönnum í ÍBV þar sem hann tekur út bann vegna uppsafnaðra áminninga. Sindri Þór Guðmundsson og Oleksii Kovtun taka út leikbann hjá Keflavík.

Gunnar Heiðar segir að fótboltinn í Vestmannaeyjum sé á slæmum stað

   03.10.2023 21:29

Dregur upp svarta mynd af stöðu fótboltans í Eyjum

Leikir liðanna í sumar ÍBV sigur í 4. umferð
Liðin mættust í 4. umferð Bestu-deildarinnar 29. apríl en þá var leikið á gervigrasvellinum við Reykjaneshöll og ÍBV vann 1 - 3 sigur. Ekkert var skorað í fyrri hálfleik en Sami Kamel kom Keflavík yfir eftir rúmlega klukkutíma leik. ÍBV svaraði um hæl með þremur mörkum.

Keflavík 1 - 3 ÍBV
1-0 Sami Kamel ('66)
1-1 Hermann Þór Ragnarsson ('70)
1-2 Sverrir Páll Hjaltested ('74)
1-3 Oliver Heiðarsson ('79)
Lestu um leikinn



Rautt spjald í 15. umferð

Liðin mættust svo aftur 16. júlí og þá gekk ýmislegt á. Felix Örn Friðriksson misnotaði vítaspyrnu eftir stundarfjórðung en Hermann Þór Ragnarsson kom ÍBV yfir á markamínútunni, þeirri 43. Sami Kamel jafnaði metin í byrjun seinni hálfleiks og eftir klukkutíma leik fékk Sindri Snær Magnússon rautt spjald fyrir ljótt brot.

ÍBV 1 - 1 Keflavík
0-0 Felix Örn Friðriksson )'15 , misnotað víti)
1-0 Hermann Þór Ragnarsson ('43)
1-1 Sami Kamel ('48)
Rautt spjald Sindri Snær Magnússon, Keflavík ('64)
Lestu um leikinn

Fjögur lið í fallhættu með Keflavík í dag Staðan er sú að leikurinn í dag skiptir Keflavík engu máli, þeir eru fallnir niður í Lengjudeildina. Hann er hinsvegar gríðarlega mikilvægur fyrir ÍBV sem á möguleika á að bjarga sér með sigri og hagstæðum úrslitum.

Hinir leikirnir
14:00 KA - HK
14:00 Fylkir - Fram

ÍBV getur með sigri komist uppfyrir Fylki og jafnað HK og Fram að stigum að því gefnu að hin liðin vinni ekki á sama tíma. Þá á samt eftir að hugsa um markamun. Reyndar er ljóst að innbyrðis viðureign Fylkis og Fram þýðir að ÍBV kæmist bara upp fyrir annað þeirra eða hvorugt eftir úrslitum.

Staðan
7. KA - 38 stig (-4)
8. Fram - 27 stig (-12)
9. HK - 27 stig (-13)
10. Fylkir- 26 stig (-16)
11. ÍBV - 24 stig (-19)
12. Keflavík - 15 stig (-27)

Bein textalýsing frá Hásteinsvelli Góðan daginn og verið velkomin í beina textalýsingu frá Hásteinsvelli í Vestmannaeyjum.

Hér mætast ÍBV og Keflavík í lokaumferð í neðri hluta Bestu-deildar karla en leikurinn er gríðarlega mikilvægur fyrir heimamenn sem þurfa að bjarga sér frá falli.
Besta-deild karla - Efri hluti
14:00 Víkingur R.-Valur (Víkingsvöllur)
14:00 FH-KR (Kaplakrikavöllur)

Besta-deild karla - Neðri hluti
14:00 ÍBV-Keflavík (Hásteinsvöllur)
14:00 Fylkir-Fram (Würth völlurinn)
14:00 KA-HK (Greifavöllurinn)