SKÝRSLAN: Keflavík dró ÍBV með sér niður í Lengjuna
Hvað réði úrslitum?
Frammistaða ÍBV framan af í þessum leik sýndi okkur ekki að þetta væri lið sem væri að berjast um sætið sitt í efstu deild. Breytingar voru góðar um miðjan seinni hálfleik en það dugði ekki til.
Bestu leikmenn
1. Muhamed Alghoul
Gerir gott mark fyrir Keflavík og frammistaðan heilt yfir nokkuð góð í leik sem skipti þá litlu sem engu máli.
2. Eiður Aron Sigurbjörnsson
Næstum því alltaf solid í vörn ÍBV og sterkur á punktinum. Stýrði mönnum vel og frammistaðan flott heilt yfir.
Atvikið
Mark Keflavíkur eiginlega drepur leikir og vonir Eyjamanna.
Hvað þýða úrslitin?
Eðlilega þýða úrslitin að ÍBV fer niður með Keflvíkingum en eftir viðtöl við báða þjálfara þá eru þeir bjartsýnir á framhaldið og stefna að sjálfsögðu upp aftur.
Vondur dagur
Á erfitt með að velja einstakling en lið ÍBV spilaði ekki eins og þeir gætu bjargað sér frá falli, sérstaklega í fyrri hálfleik. Það var dauft yfir leikmönnum ÍBV og vantaði alla baráttu og vilja.
Dómarinn - 7
Fínn leikur. Vafasamt hvort boltinn hafi verið inni þegar Sigurður Grétar skaut í þverslánna seint í leiknum. En hann mat svo að ekki um mark væri að ræða.