SKÝRSLAN: HK áfram í Bestu deildinni þrátt fyrir tap
Hvað réði úrslitum?
Afskaplega bragðdaufur leikur. Eina mark leiksins leit dagsins ljós eftir rúmlega háfltíma leik og það dugði til. HK meðvitað um stöðuna í öðrum leikjum og var öruggt með sætið sitt í deildinni allan tímann.
Bestu leikmenn
1. Ívar Arnbro Þórhallsson
Þessi 17 ára gamli markvörður var öruggur í sínum aðgerðum í sínum fyrsta deildarleik fyrir félagið.
2. Harley Willard
Verið sterkur fyrir KA að undanförnu, skoraði markið sem skildi liðin að í dag.
Atvikið
Markið var í raun eina atvik leiksins. Hornspyrna beint á kollinn á Jóan sem leggur boltann fyrir Willard sem neglir boltanum í netið.
Hvað þýða úrslitin?
HK áfram í Bestu deildinni og KA var þegar búið að tryggja sér efsta sætið í neðri hlutanum.
Vondur dagur
Það voru ekki mikil gæði í dag hjá báðum liðum. Lítið undir og það sást vel á spilamennsku liðanna.
Dómarinn - 7
Bara fínn. Það var slatti um minniháttar meiðsli hér í dag og mikið stopp en lítið um Ívar Orra að sakast, hann vann sína vinnu.