SKÝRSLAN: Víkingar lyftu upp skyldinum eftir sýningu á Víkingsvelli
Hvað réði úrslitum?
Valsmenn voru heilt yfir betri í fyrri hálfleik og í stöðunni 1-0 fyrir Val áttu Valsarar mögulega að fá vítspyrnu og þá er spurning hvernig þessi leikur hefði spilast en það var ekkert dæmt. Víkingar náðu inn jöfnunarmarki fyrir hálfleik og svo kveiktu Víkingar á dieselvélinni og skoruðu fjögur góð mörk í síðari hálfleik og settu upp sýningu fyrir stuðningsfólk sitt.
Bestu leikmenn
1. Erlingur Agnarsson (Víkingur)
Erlingur var flottur í sóknarleik Víkings í kvöld og skoraði þrennu. Maður leiksins.
2. Aron Elís Þrándarson (Víkingur Reykjavík)
Arons Elís hefur komið stórkostlega inn í þetta Víkingslið og þegar hann spilar þá vinna Víkingar leiki. Frábær inn á miðsvæðinu með Pablo ásamt því að skora tvö flott mörk.
Atvikið
Atvikið er í fyrri hálfleik þegar Tryggvi Hrafn Haraldsson féll eftir að Oliver Ekroth keyrði í bakið á honum í stöðunni 1-0. Víti/Ekki Víti? Arnar Grétarsson var að minnsta kosti alls ekki sáttur að leik loknum með að Erlendur hafi ekki flautað í því atviki.
Hvað þýða úrslitin?
Víkingar vinna deildina með ellefu stigum en liðið endar með 66 stig og Valsmenn enda deildina í því öðru með 55 stig
Vondur dagur
Patrik Pedersen - Patti Pedersen var ósýnilegur á vellinum í kvöld.
Dómarinn - 6
Erlendur Eiríksson var allt í lagi en mörg atvik í leiknum þar sem báðir varamannabekkir liðana voru ekki sáttir með. Set spurningamerki á atvikið þegar Tryggvi Hrafn féll inn í teig eftir samskipti sín við Oliver Ektroth.