SKÝRSLAN: Valur byrja deildina sterkt
Hvað réði úrslitum?
Þróttarar mættu með háa línu og pressuðu Valskonur. Með gæðin sem Valur hefur þá ná þær að refsa háum línum vel. Guðrún, Amanda og Ragnheiður voru duglegar að fara í hlaup aftur fyrir varnarlínu Þróttara og hefðu þær eflaust getað skorað fleiri mörk. Síðari hálfleikurinn var heldur bragðdaufur en leikurinn fjaraði hægt út.
Bestu leikmenn
1. Amanda Andradóttir
Það er svo gaman að horfa á Amöndu spila fótbolta, þvílík gæði. Skoraði frábært mark og átti heilt yfir góðan leik.
2. Jasmín Erla Ingadóttir
Jasmín gerði frábærlega í fyrra marki Vals þar sem hún stingur sér inn fyrir og gefur á Guðrúnu sem er fyrir opnu marki. Heilt yfir flottur leikur hjá henni á miðjunni.
Atvikið
Í stöðunni 1-0 voru Þróttarar lítið búnar að ógna en Ragnheiður á slæma sendingu til baka sem Sierra kemst í og upp úr því skorar hún.
Hvað þýða úrslitin?
Valur er í öðru sæti deildarinnar með fullt hús stiga.
Þróttur R. er einungis með eitt stig og sitja í 8. sæti.
Vondur dagur
Ragnheiður átti þessi slæmu mistök sem mark Þróttara kemur upp úr. Eftir þessi mistök fannst mér samt Ragnheiður stíga upp og átti ágætis leik, en mistökin hefðu getað orðið dýrkeypt.
Dómarinn - 5
Skrýtin frammistaða fannst mér hjá dómurunum. Valsarar spörkuðu gjarnan boltanum frá ef Þróttur fékk aukaspyrnu en engin spjöld fóru á loft, ósamræmi við þessar nýju áherslubreytingar með leiktafir. Sumir rangstæðudómar skrýtnir en ekkert sem hafði meiriháttar áhrif á leikinn.