SKÝRSLAN: Sandra María sá um FH
Hvað réði úrslitum?
Færanýting fyrst og fremst. Mér fannst þetta eiginlega ekki vera 4-0 leikur. Munurinn var sá að Þór/KA nýtti sín færi
Bestu leikmenn
1. Sandra María Jessen
Hún skorar 4 mörk í 4-0 sigri. Þarf ég að segja meira?
2. Lidija Kulis
Fannst hún öflug í vörninni. Lara hefði líka komið til greina
Atvikið
Líklega þriðja mark Þórs/KA í lokin. Fram að þeim tíma hafði FH liðið verið líklegra í seinni hálfleiknum og hafði maður á tilfiningunni að mark frá FH myndi setja lokamínúturnar í uppnám. Þriðja mark leiksins kom hinsvegar frá gestunum og það kláraði leikinn
Hvað þýða úrslitin?
Bæði lið eru með þrjú stig eftir tvo leiki. FH heimsækir Breiðablik í næstu umferð en Þór/KA fær Þrótt í heimsókn.
Vondur dagur
Verðum að setja FH-liðið hérna. Færanýtingin var rosalega döpur hjá fremstu leikmönnum. Að sama skapi var varnarleikurinn oft klaufalegur í aðdraganda marka Þórs/KA
Dómarinn - 8,5
Atli Haukur var bara ljómandi fínn í dag. Ég hef ekkert út á hans frammistöðu að setja.