SKÝRSLAN: Smit stal senunni á Greifavellinum
Hvað réði úrslitum?
Mögulega hefðu KR-ingar náð að halda út ef að Guy Smit hefði ekki fengið rautt spjald, en KA menn höfðu bankað nokkuð hressilega á dyrnar fyrir það. Jafntefli líklegast sanngjörn niðurstaða, þar sem að KR byrjaði talsvert betur en KA náði að svara í seinni hálfleik.
Bestu leikmenn
1. Atli Sigurjónsson (KR)
Var miðpunkturinn í flestu sem að KR gerði vel á boltanum. Skoraði glæsilegt mark líka.
2. Hans Viktor Guðmundsson (KA)
Það hefur margt neikvætt verið ritað og rætt um KA í upphafi móts, en Hans Viktor hefur komið virkilega vel inn í liðið og það var glæsileg fyrirgjöf hans á Ásgeir sem að bjó til jöfnunarmark heimamanna.
Atvikið
Rauða spjaldið á Guy Smit.
Hvað þýða úrslitin?
KA leitar enn að sínum fyrsta deildarsigri og sitja í 10. sæti með 2 stig eftir 5 umferðir. HK og Fylkir eru fyrir neðan þá, en eiga bæði eftir að spila. Í næsta umferð fara KA menn svo á Origo völlinn og mæta sínum gamla þjálfara, Arnari Grétarssyni og Valsmönnum.
KR-ingar verma 6. sætið með 7 stig og fá botnlið HK í heimsókn í næstu umferð.
Vondur dagur
Mér fannst dómgæslan ekki góð í dag. Línan var skökk og frekar torskiljanleg. Gaf stundum spjald fyrir vissa tegund af broti, en sleppti því svo í næsta skipti - sérstaklega ef að viðkomandi leikmaður var á spjaldi. Twana Khalid Ahmed gerir sig svo sekan um að vera alltof fljótur á flautunni þegar að Ásgeir er tekinn niður af Guy Smit. Svo var seinna gula spjaldið á Smit í kjölfarið alveg stórfurðulegt atvik. Hollendingurinn hafði tekið sér drjúgan tíma í flestar aðgerðir fram að þessu og fengið aðvörun snemma í seinni hálfleiknum, en á þessu augnabliki virtist Twana hreinlega láta undan hópþrýstingi þegar hann gaf Smit seinna gula spjaldið.
Dómarinn - 2
Sjá "Vondur dagur".