SKÝRSLAN: Vestri kom til baka og náði í stig
Hvað réði úrslitum?
Guy Smit hleypur Vestra inn í leikinn með því að láta dæma á sig vítaspyrnu. Það reyndist vera góð innspýting fyrir Vestra sem náðu að jafna metin svo stuttu seinna.
Bestu leikmenn
1. Benoný Breki Andrésson
Skoraði tvö mörk í dag og var lúsiðinn í fyrri hálfleik. Fór aðeins minna fyrir honum í seinni hálfleik samt.
2. Vladimir Tufegdzic
Skoraði vítaspyrnuna og lagði upp seinna markið hjá Vestra. Mér fannst Theodór Elmar einnig vera öflugur í dag.
Atvikið
Brot Guy Smit á Silas Songani gaf Vestramönnum blóð á tennurnar og tók KR úr jafnvægi. Nokkrum mínútum síðar voru leikar jafnir.
Hvað þýða úrslitin?
KR situr í 6. sæti deildarinnar með 11 stig en Vestri situr í 10. sæti með 7 stig.
Vondur dagur
Guy Smit hleypur Vestra inn í leikinn með því að brjóta á Songani og láta dæma á sig vítaspyrnu. Guy Smit hefur því miður átt marga vonda daga það sem af er af Íslandsmótinu.
Dómarinn - 8
Lítið hægt að setja út á dómarateymið í dag. Vítaspyrnan rétt dæmt og Ívar var með nokkuð góða stjórn leiknum