Valsarar vinna öruggan sigur hér á heimavelli. Þessi stórleikur endaði í þessum stórsigri.

Skýrsla og viðtöl væntanlega seinna í kvöld.

5 mínútur í uppbót.

Óli Valur með góða sendingu inn á teig þar sem Örvar Eggerts mætir á nærstöngina og nær skoti á markið en boltinn strýkur stöngina og framhjá.

Stjörnu stúkan alveg brjáluð og vilja víti. Örvar fellur við eftir smá viðskitpi við Hólmar. Lítið í þessu og ég held að Erlendur hafi dæmt rétt þarna.

Óli Valur fer þá út á vinstri kant og Örvar Eggerts í striker.

Langur bolti út á vinstri kant þar sem Örvar er. Hann setur svo boltan út á Jóhann Árna sem tekur skotið fyrir utan teig en rétt framhjá.

Patrick Pedersen er bara sloppinn í gegn og hann ætlar að reyna að setja boltan yfir völlinn á Adam sem væri þá með markið galopið fyrir framan sig en sendingin er skelfileg og langt frá Adam.

Góður bolti inn á teig hjá Stjörnunni og Örvar er svo nálægt því að komast fyrst í boltan en Frederik gerir vel og handsamar knöttinn. Ef Örver hefði verið sekúndubroti á unfan hefði þetta líkast til verið mark.

Valsarar byrja af krafti og Tryggvi kominn í góða skotstöðu. Skotið hans er gott og Árni þarf að hafa sig allan við til að verja þennan.

Með boltann: 53% - 47%
Skot: 9-7
Á mark: 3-2
Horn: 5-3
Heppnaðar sendingar: 183-154
(Úr tölfræði á Stöð 2 Sport)

Valsarar leiða í hálfleik og það verðskuldað. Leikurinn var frekar jafn fyrstu 30 mínúturnar en svo tóku Valsarar bara yfir. Vond mistök í öftustu línu Stjörnunnar voru líka oft að skapa alltof mikið fyrir heimamenn.

Sjáumst eftir korter.

Jónatan kominn út á vinstri kant og setur boltan inn í teig þar sem af einhverri ástæðu er Patrick Pedersen bara dauðafrír og enginn í honum. Hann nær þá skallanum en yfir markið.

3 mínútur í uppbót.

Jónatan tekur spyrnuna og setur boltan inn í teiginn. Þar er Hólmar en hann þarf að teygja sig eftir boltanum og skallar boltanum bara út í innkast.

Valur fær horn eftir að fyrirgjöf Adams er sett aftur fyrir.

Valsarar sækja svo hratt og Birkir er kominn með boltan á hægri kantinum. Hann leggur boltan fyrir Jónatan sem er í góðri stöðu inn í teig en skotið hans fer framhjá.

Emil tekur skotið úr spyrnunni en beint í vegginn.

Stjarnan fær aukaspyrnu hægra megin við teiginn, góð fyrirgjafarstaða. Jóhann Árni tekur spyrnuna og setur boltan inn í teig en Valsarar hreinsa.

Valur fær hornspyrnu. Jónatan Ingi tekur spyrnuna. Hann setur boltan inn í teig en skallað frá. Þá lúrir Sigurður Egill fyrir utan og nær frákastinu. Hann skýtur í fyrsta en langt framhjá.

Stjörnumenn setja háan bolta inn á teig og Valsarar ná ekki alveg að hreinsa. Boltinn dettur þá fyrir Örvar sem leggur boltan til baka á Emil. Emil tekur skotið rétt fyrir utan teig en það í varnarmann.

Emil Atla fellur inn í teig og vill fá víti. Það er ekkert dæmt sem ég held að sé rétt ákvörðun, enda kvartar Emil ekkert mikið.

Í öðrum fréttum er Guðmundur Andri kominn aftur inn á völlinn.

Guðmundur Andri liggur á vellinum og leikurinn er stoppaður. Hann fær aðhlynningu á meðan Arnar Grétarsson kallar á Adam Ægi sem þarf mögulega að koma inn á fyrir hann.

Emil Atla ætlar að reyna þræða boltan í gegn á Örvar en boltinn fer af Orra og aftur til Emils. Hann keyrir þá bara áfram með boltan og tekur skotið en boltinn siglir rétt framhjá marki.

Sigurður Egill nær að finna pláss á vinstri kantinum og kemur með sendingu fyrir teiginn á Kristinn Frey sem lúrir í opnu svæði fyrir utan teiginn. Hann tekur svo skotið á lofti í fyrsta en Árni ver vel frá honum.

Guðmundur Baldvin tekur flott hlaup upp völlinn og leggur hann út á Róbert sem er opinn inn í teig hægra megin. Hann lætur svo vaða og skotið er mjög gott þannig að Frederik þarf að hafa fyrir því að verja þetta skot.

Flott gabbhreyfing hjá Örvari Eggerts og hann kemst framhjá Birki Má. Hann ætlar svo að reyna fyrirgjöfina en auðvitað er vindurinn (Birkir) bara mættur aftur og blokkar það þannig Stjarnan fær horn.

Það kemur ekkert úr því horni.

Tryggvi með flottan sprett inn á völl frá vinstri kantinum. Það fer enginn út í hann þannig hann kemst að miðjum teignum rétt fyrir utan og lætur vaða en skotið hans í varnarmann.

Stjarnan á aukaspyrnu í fínu skotfæri. Jóhann Árni tekur skotið sem er bara mjög gott og Frederik þarf að verja þennan bolta sem hann gerir vel.

Jónatan setur boltan inn í teig úr spyrnunni en Árni kemur út úr marki og hryfsar boltan.

Árni setur svo boltan bara langt fram þar sem Emil Atlason nær boltanum, keyrir að marki og tekur skotið en vel framhjá.

Valsarar byrja af krafti, sækja sér hornspyrnu strax í byrjun leiks.

Biðin er á enda og veislan er hafin!

Allt að verða reiðubúið fyrir þetta æðislega fótboltakvöld. Völlurinn í vökvun báðumegin og vallargestir að koma sér fyrir í sætum. Það mætti vera aðeins betur mætt fyrir svona mikilvægan leik en eflaust einhverjir Valsarar ennþá þreyttir eftir að verða Íslandsmeistarar í körfunni í gær.

Arnar Grétarsson gerir 2 breytingar á sínu liði en það eru Bjarni Mark Antonsson og Guðmundur Andri Tryggvason sem koma inn í liðið. Adam Ægir Pálsson fær sér sæti á bekknum en Aron Jóhannsson er ekki í hóp. Heimildir herma að hann skuli vera eitthvað meiddur.

Jökull Elísabetarson gerir 1 breytingu á sínu liði en Daníel Laxdal kemur inn í liðið á kostnað Guðmunds Kristjánssonar sem er í leikbanni.

Besta deildin birti sameiginlegt byrjunarlið úr leikmannahópum þessara tveggja liða, þar er stuðst við tölfræði úr byrjun móts. Sex leikmenn Vals eru í liðinu en fimm úr Stjörnunni.

Arnar Grétarsson þjálfari Valsara var fenginn í viðtal hjá Sæbirni Steinke rétt eins og Jökull og hann hafði þetta að segja um leikinn.

„Leikurinn leggst vel í mig, allir leikir í þessari deild eru erfiðir, engir auðveldir leikir. Stjarnan er með flott lið, hafa verið að spila fínt, eru með marga góða fótboltamenn. Við þurfum að vera á okkar degi, þurfum að spila eins vel og við getum. Þá getum við sótt góð úrslit,"

Viðtalið er töluvert lengra en það má lesa í heild sinni hér.

   29.05.2024 23:24

Arnar segir Val eiga menn inni: Þeir vita það manna best sjálfir

Það er einn leikmaður sem verður ekki með vegna leikbanns í þessum leik. Guðmundur Kristjánsson fyrirliði Stjörnunnar er í eins leiks banni vegna uppsafnaðra gula spjalda.

Vanalega er einn álitsgjafi fenginn til að spá í hverja umferð fyrir sig hjá okkur en í dag þar sem það mun fara fram tveir stórleikir var heyrt í nokkrum af okkar allra vitrustu sérfæðingum. Aron Guðmundsson fréttamaður hjá Vísi og Stöð 2, Haraldur Árni Hróðmarsson þjálfari, Jóhann Páll Ástvaldsson fréttamaður hjá RÚV, Kristján Óli Sigurðsson þáttastjórnandi Þungavigtarinnar og Sverrir Mar Smárason lýsandi hjá Stöð 2 voru allir fengnir til að segja sína skoðu í þessari grein.

Erlendur Eiríksson verður með flautuna í kvöld og honum til aðstoðar verða Egill Guðvarður Guðlaugsson og Andri Vigfússon.

Eftirlitsmaður er Þórður Ingi Guðjónsson og varadómari er Gunnar Freyr Róbertsson.

Jökull Elísabetarson þjálfari Stjörnunnar var tekinn í viðtal af fréttamanni okkar Sæbirni Steinke. Það er farið yfir ýmislegt í viðtalinu en þetta hafði hann að segja meðal annars um leikinn.

„Leikurinn leggst fáránlega vel í mig. Ég held að Valsarar verði beittir, vantaði aðeins upp á hjá þeim í síðasta leik en ég hef engar áhyggjur af því að það muni vanta upp á hjá þeim á morgun. Ég held þeir verði öflugir og þetta verður bara skemmtilegt,"

Viðtalið má svo lesa í heild sinni hér.

   29.05.2024 17:57

Jökull: Búinn að vera einn besti leikmaðurinn í deildinni

Þessi leikur ásamt leiknum sem fer fram seinna í kvöld, viðureign Víkings og Breiðabliks, er spilaður vegna þess að þessi lið eru að spila í evrópukeppnum í sumar. Valur og Stjarnan fara bæði í undankeppni Sambandsdeildarinnar sem hefst 11. júlí.

Það voru miklar væntingar á Stjörnunni fyrir mót eftir að liðið átti gott tímabil í fyrra. Þeir komu þó frekar höktandi inn í mótið og liðið sem voru ákveðnir skemmtikraftar í fyrra var í veseni með markaskorun. Það virðist þó eitthvað hafa lagast í þeim efnum þar sem þeir jörðuðu KA menn í síðustu umferð 5-0. Stjarnan er sem stendur í 4. sæti deildarinnar en með sigri í dag geta þeir farið komist upp í 3. sætið á kostnað mótherja þeirra í dag.

Emil Atlason sem skoraði ekkert fyrstu 5 leikina hefur núna skorað þrjá leiki í röð og er kominn með 4 mörk. Emil var markakóngur deildarinnar í fyrra og það er gríðarlega mikilvægt fyrir liðið að hann haldi áfram góðu formi ef þeir ætla sér eitthvað í deildinni.

Valsarar sitja í 3. sæti deildarinnar fyrir þennan leik og mæta 4. sætinu í Stjörnunni. Valur er með 15 stig, 3 stigum á eftir Breiðablik og 6 stigum á eftir Víking í 1. sæti. Ef Valur ætlar að halda sér í titilbaráttunni er það því gríðarlega mikilvægt fyrir þá að sigra hér í dag, þar sem þeir verða þá jafnir Breiðablik á stigum og falla ekki enn lengra frá Víkingum.

Hingað til hefur tímabil þeirra ekki gengið alveg eftir óskum. Flestir bjuggust við þeim í allra efstu röð en liðið hefur nú tapað stigum í helming leikja þeirra í deildinni. Í síðustu umferð gerðu þeir 2-2 jafntefli við FH þar sem Hafnfirðingarnir klúðruðu fullt af góðum færum og spilanlega séð hefði Valur líkast til átt að tapa þeim leik. Gylfi Þór Sigurðsson hefur ekki verið með í síðustu leikjum vegna bakmeiðsla og það hefur sést á liðinu. Gylfi er augljóslega besti leikmaður deildarinnar en sumir Valsarar hafa haft áhyggjur á því að liðið virðist ekki geta náð í jafn góð úrslit án hans.

Komiði sæl og verið velkomin í beina textalýsingu frá leik Vals og Stjörnunnar í Bestu deild karla.

Leikurinn hefst klukkan 18:00 og verður spilaður á N1-vellinum Hlíðarenda.