SKÝRSLAN: Annað bikarævintýri á Brekkunni?
Hvað réði úrslitum?
Frábær leikur hjá KA í kvöld. Liðið hefur verið að standa sig í bikarnum og fékk nú andstæðing í Bestu deildinni og þetta var líklega þeirra besta frammistaða í sumar. Framarar voru ansi daufir og Rúnar Kristinsson þjálfari liðsins var eðlilega ekki sáttur með frammistöðu liðsins.
Bestu leikmenn
1. Bjarni Aðalsteinsson
Átti frábæran leik en hann fullkomnaði hann með tveimur góðum mörkum.
2. Hallgrímur Mar Steingrímsson
Herra KA. Stendur alltaf fyrir sínu en hann skoraði sitt 100. mark fyrir liðið í kvöld.
Atvikið
Hallgrímur Mar Steingrímsson kominn með 100 mörk í búningi KA. Skoraði þriðja og síðata mark liðsins með glæsibrag. Stórkostlegur árangur og hann á bara eftir að verða betri í sumar.
Hvað þýða úrslitin?
KA er komið í undanúrslitin þar sem liðið fær Valsmenn í heimsókn. Fram fer ekki lengra í bikarnum þetta árið, liðið komst lengra í ár en í fyrra þar sem liðið féll úr leik í 32 liða úrslitum.
Vondur dagur
Framarar mættu ekki til leiks. Afskaplega dauf frammistaða og þessi sigur KA manna algjörlega verðskuldaður.
Dómarinn - 6
Ekki frábær í dag, flautaði mikið og það var atvik þar sem hann dæmdi að ég held í vitlausa átt en ekkert sem réði úrslitum.