Þróttar voru grimmir. Þeir þurftu að vinna þennan leik og spyrna sér frá botninum og þeir gerðu það. Mikil stemning í þeirra liði sem fleytti þeim yfir línuna að þessu sinni. Það var ekki rosalega mikið sem skildi liðin að í frekar lokuðum leik.

Markið sem Jeffsy yngri skorar. Liam Daði Jeffs er kominn á blað fyrir Þrótt og verður þetta örugglega ekki hans síðasta mark. Sá bara markið og gerði það vel.

Þróttur fara úr neðsta sæti í það næst neðsta og líta hlutirnir aðeins betur út. Það var stemning eftir leik og menn gátu leyft sér að brosa. Eftir þrjá sigurleiki í röð kom loksins tap hjá Grindavík en liðið er núna í fimmta sæti með 13 stig.

Josip Krznaric gerði stór mistök þegar Þróttur skoraði en hann tapaði boltanum á afar slæmum stað. Sóknarleikur Grindavíkur var þá ekki upp á marga fiska gegn fimm manna vörn Þróttar.

Jóhann Ingi og hans teymi gerði vel í þessum leik. Svo sem ekki mjög erfiður leikur að dæma.