Þetta fer að byrja! Leikmenn ganga inn á völlinn. Styttist óðfluga í upphafsflautið!

Fínar aðstæður í Garðabænum í kvöld. 13°C, skýjað og gola.

Stjarnan hafði betur fyrr í sumar Liðin tvö mættust í annarri umferð Bestu deildarinnar fyrr í sumar og voru það Stjörnukonur sem höfðu betur þá. Keflvíkingar leiddu 2-0 í hálfleik en Stjarnan kom til baka í seinni hálfleik og enduðu leikar 3-2- fyrir stjörunni.

Dómarateymið Guðmundur Páll Friðbertsson er dómari hér í kvöld og eru það þeir Þórður Arnar Árnason og Elvar Smári Arnarsson sem verða honum til aðstoðar. Varadómari er Jens Elvar Sævarsson og er Eftirlitsmaður kvöldsins Jón Sveinsson.

Keflavík Keflavík var spáð 10. sæti af spekingum fótbolta.net fyrir mót. Keflavík situr í 9. sæti fyrir leikinn hér í kvöld og eru með 6 stig. Keflvíkingar mættu toppliði Breiðabliks í síðustu umferð. Þar enduðu leikar 2-0 fyrir Blikum. Keflavík hefur tapað síðustu þremur leikjum og vilja Keflvíkingar pottþétt rétta úr kútnum og komast á skrið með sigri hér í kvöld!

Stjarnan Það er nýtt upphaf í Garðabænum þar sem nýr þjálfari er tekinn við liði Stjörnunar. Kristján Guðmundsson óskaði eftir því að hætta með liðið og er Jóhannes Karl Sigursteinsson tekin við og verður leikurinn í kvöld hans fyrsti leikur með liðinu. Kristján var á sínu sjötta tímabili með lið Stjörnunnar en gengi liðsins hefur ekki verið upp á marga fiska í sumar og hefur liðið tapað síðustu fjórum leikjum sínum. Liðið var í baráttu um Evrópusæti í fyrra en missti af því. Í vetur fóru margir lykilleikmenn úr liðinu og er liðið talsvert lakara en á síðasta tímabil. Stjarnan er fyrir leikinn í kvöld í 8. sæti með 9 stig. Jóhannes Karl tekur við liðinu en hann var síðast aðalþjálfari hjá KR tímabilin 2019-2022. Hann hætti hjá KR snemma tímabilsins 2022. Áður hafði hann þjálfað HK/Víking, Breiðablik og Stjörnuna.

Heil og sæl! Góðan dag kæru lesendur og verið hjartanlega velkomin í þráðbeina textalýsingu á viðureign Stjörnunar og Keflvavíkur. Leikurinn fer fram á Samsung-vellinum í Garðabænum og hefst kl.18:00!