Í fyrri hálfleik var jafnræði með liðunum Víkingar aðeins betri en leiddu 2-0. Í síðari hálfleik aftur á móti sóttu Framarar endalaust að marki Víkinga en náðu einungis að koma boltanum einu sinni í netið. Framarar fengu þó nóg af færum sem þeir hefðu getað nýtt betur. Víkingar afar ólíkir sjálfum sér en Arnar Gunnlaugs sagði í viðtali eftir leik að það væri eins og menn væru að spara sig fyrir komandi átök.

Magnús Þórðarson skallar boltann í netið en flaggaður rangstæður, þetta var ansi tæpt og ég á erfitt með að meta þennan dóm út frá endursýningu sjónvarpsins.

Víkingar eru með 7 stiga forystu á toppi deildarinnar en Valur og Breiðablik eiga þó leik til góða. Framarar sitja í 6. sæti deildarinnar en frammistaðan lofar góðu.

Leikurinn tafðist um nokkrar mínútur en það var vegna Brynjars Gauta sem átti að byrja leikinn. Bæði lið voru búin að stilla sér upp en þá fer hann að bekk Fram og lætur vita að hann geti ekki byrjað leikinn vegna meiðsla. Brynjar for því af velli og Þorri Stefán kom óvænt inn í liðið. Líklegast vonbrigði fyrir Brynjar að þurfa að fara af velli 30 sekúndum fyrir leik.

Ætla ekki að taka inn rangstöðumarkið vegna þess að ég sjálfur get ekki skorið út um hvort að Magnús hafi verið fyrir innan. Ég ætla samt að hrósa Pétri fyrir að flauta ekki í aðdraganda fyrra marks Víkings er það var brotið á Danijel Djuric og leyfa leiknum að fljóta.