SKÝRSLAN: Ungir Stjörnumenn tóku yfir Skipaskaga
Hvað réði úrslitum?
Stjörnumenn stjórnuðu leiknum mjög vel og voru mikið með boltan. Skagamenn sköpuðu sér þó nokkur mjög góð færi en fóru illa með þau. Það var svo beittar og hraðar sóknir sem skiluðu mörkunum sem unnu leikinn fyrir Stjörnuna.
Bestu leikmenn
1. Helgi Fróði Ingason (Stjarnan)
Helgi Fróði er rosalega skemmtilegur ungur leikmaður. Ekkert mark og engin stoðsending í dag, en mér fannst hann bara stjórna þessari miðju gjörsamlega í dag. Frammistaðan var með þroskastig á við 35 ára reynslubolta en Helgi er ekki nema 19 ára.
2. Örvar Eggertsson (Stjarnan)
Örvar skoraði gott mark úr mjög erfiðu færi. Hann var líka öflugur allan leikinn og gerði verkefni Johannes Vall oft erfitt.
Atvikið
Fyrsta mark Stjörnumanna var frekar sérstakt. Baldur Logi tekur skot frá löngu færi. Ekkert rosalega fast skot en það ratar niður í fjærhornið. Árni Marinó reyndi eiginlega ekkert að verja þennan bolta en hann hefði alveg getað gert það.
Hvað þýða úrslitin?
Stjarnan er enn í 6. sæti en er núna aðeins stigi á eftir ÍA. Skagamenn misstu FH 4 stigum frá sér eftir úrslit dagsins.
Vondur dagur
Árni Marinó Einarsson á að gera miklu betur í allavega fyrstu tveimur mörkunum. Ég á eftir að skora þriðja markið betur, en það er jafnvel þar líka sem hann hefði átt að gera betur. Góð frammistaða frá Árna í dag hefði einfaldlega þýtt sigur fyrir ÍA
Dómarinn - 8
Það er einhver spurning með rangstöðu í marki ÍA, ég er ekki búinn að skoða það mjög vel. En þar sem það ræður ekki úrslitum í dag og restin af leiknum var bara vel dæmdur. Þá fær Arnar og hans teymi bara solid einkunn frá mér.