Sjaldséð nöfn í byrjunarliði Stjörnunnar Þórarinn Ingi Valdimarsson er meðal byrjunarliðsmanna Stjörnunnar í dag. Hann hefur verið orðaður við brotthvarf í þessum glugga og meðal annars verið orðaður við Selfoss. Þá fær Daníel Finns Matthíasson sjaldséðan byrjunarliðsleik, hans fyrsti byrjunarliðsleikur í Bestu deildinni í sumar.

Emil og Haaland Evrópuhetjan Emil Atlason byrjar á bekknum í kvöld. Jökull sagði í viðtali við Stöð 2 Sport fyrir leikinn að hann gerði allar þessar breytingar vegna meiðsla, eymsla og þreytu.

„Hann er bara frábær. Í byrjun móts þá var einhver umræða um það að hann væri ekki í standi sem var einfaldlega ekki rétt. Hann var einn heitasti leikmaður í deildinni í fyrra og liðin heima fyrir þurftu að hafa mikið fyrir honum. Arnar Gunnlaugs talaði um það að Víkingur hefðu þurft að nálgast hann eins og Arsenal nálgaðist Erling Haaland, þannig það segir sitt," sagði Jökull í viðtali við Vísi í vikunni um Emil Atlason.

   26.07.2024 15:00

Vísaði í Haaland líkingu Arnars Gunnlaugssonar er hann ræddi um Emil

Fjórir leikir í deildinni í dag Það er hálfleikur í leik Vestra og FH og staðan markalaus. Alls eru fjórir leikir í Bestu deildinni spilaði í dag.

Besta-deild karla
16:00 Vestri 0-0 FH (Hálfleikur)
17:00 ÍA-Stjarnan (ELKEM völlurinn)
19:15 Fram-Valur (Lambhagavöllurinn)
19:15 Víkingur R.-HK (Víkingsvöllur)

Byrjunarliðin eru klár - allir nema fjórir út hjá Stjörnunni ÍA gerði 1 - 1 jafntefli við FH í síðasta leik í Kaplakrika. Jón Þór Hauksson þjálfari liðsins gerir enga breytingu á liði sínu frá þeim leik.

Stjarnan vann mikilvægan 2 - 1 sigur á Paide í Sambandsdeild Evrópu á fimmtudaginn en liðin mætast svo aftur á fimmtudaginn. Frá þeim leik gerir Jökull I. Elísabetarson þjálfari liðsins 7 breytingar á liðinu.

Árni Snær Ólafsson fer í markið fyrir Mathias Rosenörn og þeir Heiðar Ægisson, Óli Valur Ómarsson, Guðmundur Kristjánsson, Emil Atlason, Örvar Logi Örvarsson og Róbert Frosti Þorkelsson fara allir út úr liðinu.

Inn koma Jóhann Árni Gunnarsson, Adolf Daði Birgisson, Þórarinn Ingi Valdimarssson, Daníel Finns Matthíasson, Baldur Logi Guðlaugsson og Haukur Örn Brink.

Í raun er réttar að telja fram hverjir spila leikinn í dag og spiluðu Evrópuleikinn, það eru bara fjórir leikmenn, Sindri Þór Ingimarsson, Örvar Eggertsson, Kjartan Már Kjartansson og Helgi Fróði Ingason.

Dómarinn Arnar Þór Stefánsson mun dæma þennan leik og honum til aðstoðar verða Eysteinn Hrafnkelsson og Patrik Freyr Guðmundsson. Eftirlitsmaður er Einar Örn Daníelsson og varadómari er Vilhjálmur Alvar Þórarinsson.

Spámaður umferðarinnar Ásta Eir Árnadóttir, fyrirliði kvennaliðs Breiðabliks sem er á toppi Bestu deildar kvenna, spáir í leikina í 16. umferð. Fyrsti leikurinn í umferðinni er á eftir. Ásta fékk að spá í sjö leiki þar sem leik Breiðabliks og Vals var frestað, en leikur Fram og Vals fer fram á morgun.

ÍA 0 - 2 Stjarnan
Stjarnan er á góðu Evrópuróli, koma heitir inn í þennan leik og taka þrjú stig. Emil Atla skorar með skalla og Gummi Kri potar inn einu í blálokin.

Stjörnumönnum gengur betur í Evrópu en í deild Stjörnumenn eru byrjaðir í sínu Evrópu ævintýri í ár. Þeim gengur nokkuð vel þar, en þeir eru komnir í 2. umferðina og eru búnir að vinna fyrri leikinn í sinnu viðureign þar. Í deildinni gæti gengið betur hinsvegar. Þeir sitja í 6. sæti deildarinnar og eru 4 stigum á eftir ÍA. Með sigri hér í dag gætu þeir blandað sér vel inn í þessa baráttu um 4. sætið.

ÍA í Evrópuleit Skagamenn eru í 5. sæti deildarinnar, stigi á eftir 4. sætis liðinu sem er FH. Þeir eru nýliðar á þessu tímabili og eru því að spila langt fram yfir væntingar. Viktor Jónsson hefur verið mikilvægur partur af þessari velgengni en hann er markahæsti leikmaður deildarinnar með 12 mörk.

Besta deildin heilsar Komið þið sæl og verið velkomin í beina textalýsingu frá leik ÍA gegn Stjörnunni. Leikurinn hefst klukkan 17:00 og veriður spilaður á ELKEM vellinum.